ایم کیوایم امریکہ کی تنظیم نوکے سلسلے میں9 رکنی سینٹرل آرگنائزنگ کمیٹی کاقیام

لندن ۔۔۔ 30 اپریل 2016ء

امریکہ میں ایم کیوایم کے تنظیمی کام کومزیدبہتراورمؤثراندازمیں چلانے کیلئے تنظیم نو کی گئی ہے ۔ اس سلسلے میں امریکہ کی9 رکنی سینٹرل آرگنائزنگ کمیٹی قائم کی گئی ہے۔اے پی ایم ایس او کے سابق چیئرمین، سابق ڈپٹی میئرکراچی اورتحریک کے سینئررہنمامتین یوسف کوایم کیوایم امریکہ کا سینٹرل آرگنائزر انچارج مقررکیاگیاہے۔ اس فیصلے کااعلان ایم کیوایم کے قائدجناب الطا ف حسین نے جمعہ کوامریکہ کے تمام سینئرکارکنوں اورذمہ داروں کے ایک اجلاس میں کیا۔ اعلان کے مطابق اس 9رکنی کمیٹی میں متین یوسف کے علاوہ شمیم صدیقی، عارف صدیقی، گل محمد،جنیدفہمی،عدنان نقوی، کامران حیدر، محفوظ حیدری اورفرحین رضوی شامل ہیں۔ یہ آرگنائزنگ کمیٹی امریکہ کی تمام ریاستوں میں تنظیم نوکے عمل کوآگے بڑھائے گی ۔