ایم کیو ایم رابطہ کمیٹی کے رکن شبیر احمد قائم خانی کی پنجاب کے تنظیمی دورے کے موقع پر ملتان آمد
لاہور،رحیم یار خان، گوجرانوالہ، شیخوپورہ، گجرات ، سیالکوٹ، جھنگ، فیصل آباد راولپنڈی اور اسلام آباد سمیت پنجاب کے مختلف شہروں کا تنظیمی دورہ کرینگے اورعہدیداران و کارکنان سے ملاقاتیں کرینگے
بانیان پاکستان کی اولادوں کو اپنے ملک میں ہی اجنبی بنادیا گیا ہے ، شبیر احمد قائم خانی
کراچی میں ایم کیو ایم کے خلاف جانبدار اور غیر منصفانہ آپریشن کیا جارہا ہے
جنوبی پنجاب ہاؤس ملتان میں مختلف شعبہ ہائے زندگی سے تعلق رکھنے والے افراد سے اظہار خیال
ملتان۔۔۔۔28 اپریل2016 ء
متحدہ قومی موومنٹ رابطہ کمیٹی کے رکن شبیر احمد قائم خانی مرکزی پنجاب کمیٹی کے عہدیداران کے ہمراہ پنجاب کے تنظیمی دورے کے موقع پر ملتان پہنچ گئے ہیں جہاں پر انہوں نے ایم کیو ایم کے ذمہ داران و کارکنان سمیت مختلف شعبہ ہائے زندگی سے تعلق رکھنے والے افراد سے ملاقاتیں کی ہیں۔ اس موقع پر انہوں نے اظہار خیال کرتے ہوئے کہا کہ کراچی میں ایم کیو ایم کے خلاف جانبدار اور غیر منصفانہ آپریشن کیا جارہا ہے جس میں متعدد کارکنان کو ماورائے عدالت قتل کیا جاچکا ہے اور درجنوں کارکنوں کا لاپتہ کر دیا گیا ہے۔ انہوں نے کہا کہ جھوٹے پروپیگنڈا کے ذریعے ایم کیو ایم کا میڈیا ٹرائل کیا جارہا ہے اوربانیان پاکستان کی اولادوں کو اپنے ملک میں ہی اجنبی بنا دیا گیا ہے۔ لیکن عوام نے اس سے قبل بھی ایسی سازشوں کو ناکام کیا ہے او ر انشاء اللہ اس مرتبہ بھی سازشی عناصر اپنے عزائم میں کامیاب نہیں ہو سکیں گے ۔ دریں اثناء رکن رابطہ کمیٹی شبیر احمد قائم خانی ملتان سمیت پنجاب کے دیگر شہروں جن میں لاہور ،رحیم یارخان، گوجرانوالہ ، شیخوپورہ ، سیالکوٹ ، جھنگ، فیصل آباد، راولپنڈی اور اسلام آباد سمیت پنجاب کے مختلف شہروں کا تنظیمی دورہ کرینگے اور عہدیداران و کارکنان سے ملاقاتیں کرینگے۔ اس سلسلہ میں مختلف شہروں میں منعقد کئے جانیوالے پروگراموں کو حتمی شکل دے دی گئی ہے ۔