عمران خان خود کل تک کراچی میں فوج کے ذریعے ووٹرز لسٹوں کی چیکنگ کرانے اور کراچی میں فوج کی نگرانی میں انتخابات کرانے کے مطالبے کرتے رہے۔ ڈاکٹر ندیم احسان
تحریک انصاف خود ایک فوجی جنرل کی مرہون منت ہے، سابق رکن قومی اسمبلی ڈاکٹر ندیم احسان
قائد تحریک الطاف حسین نے کراچی کے شہریوں اور تاجروں کی جان و مال کو تحفظ فراہم کرنے اور امن و امان کی صورتحال کو بہتر بنانے کیلئے فوج بلانے کا مطالبہ کیا ہے تو تحریک انصاف کو آگ لگ رہی ہے۔ ڈاکٹر ندیم احسان
تحریک انصاف کو کراچی کے عوام کی جان و مال اور ان کے مسائل سے کوئی ہمدردی نہیں۔ ڈاکٹر ندیم احسان
تحریک انصاف کے رہنما عمران اسماعیل کے بیان پر متحدہ کی کراچی تنظیمی کمیٹی کے انچارج ڈاکٹر ندیم احسان کا تبصرہ
کراچی: ۔۔۔28،ا گست2013ء
متحدہ قومی موومنٹ کی کراچی تنظیمی کمیٹی کے انچار ج اورسابق رکن قومی اسمبلی ڈاکٹر ندیم احسان نے ایم کیوایم کے خلاف تحریک انصاف کے رہنماعمران اسماعیل کے بیان پر تبصرہ کرتے ہوئے کہاہے کہ چونکہ تحریک انصاف خود ایک فوجی جنرل کی مرہون منت ہے لہٰذا تحریک انصا ف ہر معاملے میں فوج کی معاونت کی بات کرتی رہی،تحریک انصاف خودکل تک کراچی میں فوج کے ذریعے ووٹرز لسٹوں کی چیکنگ کرانے کے مطالبات کرتی رہی،تحریک انصاف کے سربراہ عمران کراچی میں فوج کی نگرانی میں انتخابات کرانے کے مطالبے کرتے رہے جس پر عمران اسماعیل اس مطالبہ کی تائید میں زمین آسمان ملاتے رہے لیکن آج جب قائدتحریک الطا ف حسین نے کراچی کے شہریوں اورتاجروں کی جان ومال کوتحفظ فراہم کرنے اورامن وامان کی صورتحال کوبہتربنانے کیلئے فوج بلانے کا مطالبہ کیاہے توعمران اسماعیل کوآگ لگ رہی ہے جس سے ثابت ہوگیاہے کہ عمران اسماعیل اوران کی تحریک انصاف کوکراچی کے عوام کی جان ومال اوران کے مسائل سے کوئی ہمدردی نہیں۔