این اے 245کی انتخابی مہم کے سلسلے میں حلقہ انتخاب میں ایم کیوایم شعبہ خواتین کی گھر گھر عوامی رابطہ مہم

کراچی ۔۔۔2، اپریل 2016ء 

این اے 245کے ضمنی الیکشن میں نامزد متحدہ قومی موومنٹ کے امیدوار محمدکمال کی انتخابی مہم جاری ہے ۔ انتخابی مہم کے سلسلے میں گزشتہ روز حلقہ انتخاب کے مختلف علاقوں میں ایم کیوایم شعبہ خواتین ، اور نارتھ ناظم آباد ٹاؤن کے آرگنائزر اور کمیٹی کے اراکین نے گھر گھر جاکر عوام سے رابطہ کیا اور ان سے 7اپریل کو ہونے والے ضمنی الیکشن میں نامزد حق پرست امیدوار محمد کمال کو بھاری اکثریت سے ووٹ دیکر کامیاب کرانے کی اپیل کی ۔ گھر گھر عوامی رابطہ مہم کے دوران انتخابی پمفلٹ بھی تقسیم کئے گئے ۔ اس موقع پر عوام نے ایم کیوایم شعبہ خواتین کی ذمہ دارن کو اپنے علاقائی مسائل سے آگاہ کیا اور این اے 245کے ضمنی الیکشن میں حق پرست امیدوار محمد کمال کی نامزدگی کا خیر مقدم کیا ۔شعبہ خواتین کی ذمہ داران نے رابطہ مہم کے دوران گفتگو کرتے ہوئے کہاکہ قائد تحریک جناب الطاف حسین شروع دن سے ہی عوامی مسائل اورمشکلات کے حل کیلئے کوشاں ہیں لیکن نام نہاد سیاسی قوتیں اور اسٹیبلشمنٹ کے بعض عناصر گٹھ جوڑ کر انہیں عوامی سطح پر بدنام کرنے کی ناپاک کوشش کررہے ہیں اور جناب الطاف حسین کے خلاف ہرزہ سرائی کررہے ہیں ۔ انہوں نے کہا کہ نام نہاد ٹولہ کے سرغنہ اور اس کے کارندوں کا انجام بھی وہی ہوگا جو اس سے قبل ضمیرفروشوں کا ہوا تھا اور وہ بھی عوامی سطح پر ذلیل ر سوا ہوں گے ۔







تصاویر