Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پی ایس 115کے ضمنی الیکشن میں ایم کیوایم کے نامزد امیدوار فیصل رفیق کی انتخابی مہم


پی ایس 115کے ضمنی الیکشن میں ایم کیوایم کے نامزد امیدوار فیصل رفیق کی انتخابی مہم
 Posted on: 3/29/2016
پی ایس 115کے ضمنی الیکشن میں ایم کیوایم کے نامزد امیدوار فیصل رفیق کی انتخابی مہم 
فیصل رفیق نے گزشتہ روز لائینز ایریا ٹاؤن کی یوسی 9میں گھر گھر جاکر عوام سے ملاقاتین کیں 
سوسائٹی ٹاؤن یوسی 7کے وارڈ 3میں الیکشن آفس کا افتتاح اور لائینز ایریا ٹاؤن یوسی 10میں منعقدہ کارنر میٹنگ کے شرکاء خطاب کیا
بعض قوتوں کی جانب سے جناب الطاف حسین اور ایم کیوایم کی مقبولیت میں کمی کا تاثر دیاجارہا ہے جو کہ سراسر جھوٹ اور بے بنیاد ہے، نامزد حق پرست امیدوار برائے پی ایس 115فیصل رفیق 
کراچی ۔۔۔29، مارچ2016ء 
پی ایس 115کی نشست پر ہونے والے ضمنی الیکشن میں نامزد ایم کیوایم کے حق پرست امیدوار فیصل رفیق نے گزشتہ روز لائینز ایریا ٹاؤن کی یوسی 9میں گھر گھر جاکر عوام سے ملاقاتیں کیں اور سوسائٹی ٹاؤن یوسی 7کے وارڈ 3میں الیکشن آفس کا افتتاح کیا جبکہ انہوں نے انتخابی مہم کے سلسلے میں لائیزایریا ٹاؤن کی یوسی 10میں منعقدہ کارنر میٹنگ کے شرکاء سے خطاب بھی کیا ۔ نامزد حق پرست امیدوار فیصل رفیق کا الیکشن آفس کے افتتاح ، کارنر میٹنگوں اور گھر گھر رابطہ مہم کے دوران عوام نے زبردست خیر مقدم کیا اور قائد تحریک جناب الطاف حسین اورا یم کیوایم کے حق میں فلک شگاف نعرے لگائے ۔ انتخابی مہم کے سلسلے میں لائینز ایریا ٹاؤن یوسی 10میں منعقد کی گئی کارنر میٹنگ کے شرکاء سے خطاب کرتے ہوئے فیصل رفیق نے کہاکہ ایم کیوایم کا 32سالہ سفر حق پرستی پر مبنی ہے اور ایم کیوایم نے اپنے حق پرستی کے اس سفر میں تمام تر مظالم ، رکاوٹوں اور سازشوں کے باوجود کبھی بھی عوامی مسائل کے حل سے منہ نہیں چرایا ہے بلکہ اس کیلئے ملک کے منتخب ایوانوں میں نہ صرف آواز اٹھائی بلکہ پرامن احتجاجی مظاہرے تک کئے ۔ انہوں نے کہاکہ بعض قوتوں کی جانب سے جناب الطاف حسین اور ایم کیوایم کی مقبولیت میں کمی کا تاثر دیاجارہا ہے جو کہ سراسر جھوٹ اور بے بنیاد ہے ، جناب الطاف حسین اور ایم کیوایم کی مقبولیت آج بھی قائم ہے بلکہ اس میں دن بدن اضافہ ہی ہورہا ہے ۔ انہوں نے کہاکہ جو سیاسی ومذہبی جماعتیں ایم کیوایم اورجناب الطاف حسین پر بے بنیاد الزامات عائد کررہی ہیں وہ خود ملک کے کرپٹ نظام کا حصہ ہیں اور اسی کرپٹ نظام کے تحفظ کی نوکری انجام دے رہے ہیں جبکہ جناب الطاف حسین اورایم کیوایم نہ تو اس کرپٹ نظام کا حصہ بنے ہیں اور نہ ہی آئندہ نہیں کوئی بھی ظلم و جبر کا ہتھکنڈہ ایسے کرنے پر مجبور کرسکتا ہے ۔ انہوں نے کہاکہ مظلوم قومیتوں کو قائد تحریک جناب الطاف حسین پر فخر ہے اور وہ جانتے ہیں کہ ملک میں جناب الطاف حسین ہی واحد لیڈر ہیں جنہوں نے اپنے حق پرستانہ اور اصولی موقف کا سودا نہیں کیا ہے اور تمام تر رکاوٹوں کو عبورکرتے ہوئے آج بھی پرامن اور جمہوری جدوجہد جاری رکھے ہوئے ہیں ۔ اس موقع پر حق پرست رکن قومی اسمبلی علی رضا عابدی ، حق پرست ارکان سندھ اسمبلی محمود عبد الرزاق ، خالد افتخار اور ایم کیوایم سینٹرل ایگزیکٹو کمیٹی کے اراکین بھی موجود تھے ۔ 








تصاویر

9/27/2016 10:28:50 PM