ایم کیوایم رابطہ کمیٹی پاکستان ولندن کا کنوینرندیم نصرت کی زیرصدارت ہنگامی اجلاس

کراچی۔۔۔ 28 مارچ 2016ء

متحدہ قومی موومنٹ کی رابطہ کمیٹی پاکستان ولندن کاایک ہنگامی اجلاس پیرکی شام منعقدہواجس کی صدارت رابطہ کمیٹی کے کنوینرندیم نصرت نے کی۔اجلاس میں لاہور میں دہشت گردی کے افسوسناک واقعہ اوراسلام آبادمیں شدت پسندمظاہرین کی جانب سے ریڈزون کے علاقہ میں سرکاری املاک کونقصان پہنچانے کی شدیدمذمت کی گئی۔ اجلاس میں پاکستان فوج کے سربراہ جنرل راحیل شریف کی زیرصدارت ہونے والے اجلاس میں کئے گئے اس فیصلہ کابھی بھرپورخیرمقدم کیاگیاجس کے مطابق پنجاب میں بھی دہشت گردوں اورانکی کمین گاہوں کے خلاف سخت آپریشن کیاجائے گا۔اجلاس میں کہاگیاکہ آج پاکستان کودہشت گردی کے جس بحران کاسامناہے اسکے اسباب اوراس کے سرپرستوں کی نشاندہی قائدتحریک الطاف حسین کئی دہائیوں سے کرتے آرہے ہیں۔سچ تو یہ ہے کہ قائدتحریک الطاف حسین پاکستان کے واحد سیاستدان ہیں جنہوں نے ملک میں بڑھتی ہوئی مذہبی انتہاپسندی، طالبانائزیشن اور داعش کی سرگرمیوں اوران سے پاکستان کولاحق خطرات سے آگاہ کیا تھا لیکن تعصب اورنفرت کی وجہ سے ارباب اختیارنے ان وارننگز پر توجہ دینے کے بجائے قائدتحریک الطاف حسین کے خطابات پرپابندی عائدکردی اورملک کی سب سے بڑی سیکولراورلبرل جماعت ایم کیوایم کے خلاف آپریشن شروع کردیا ۔ندیم نصرت نے کہا کہ تمام ترریاستی مظالم اورپروپیگنڈوں کے باوجود ایم کیوایم ، پاکستان کی سلامتی اورامن وامان کے دیرپاقیام کیلئے کئے جانے والے ہر اس اقدام کی حمایت کرتی ہے جوخلوص نیت اورشفافیت کے ساتھ کیاجائے ۔ رابطہ کمیٹی نے حکومت پاکستان اورمسلح افواج کومذہبی انتہاپسندی اور دہشت گردی کے خلاف جنگ میں اپنے بھرپورتعاون کایقین دلاتے ہوئے تمام مذاہب ،فرقوں اورزبانیں بولنے والے عوام سے اپیل کی کہ وہ آزمائش کی اس گھڑی میں اپنے اتحادکابھرپورمظاہرہ کرکے ملک دشمنوں کے عزائم کوناکام بنادیں۔ 
English Viewers