Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم کے ہمدردشمائیل بیگ شہیداورکامران شہیدکو آہوں اورسسکیوں کے درمیان کورنگی نمبر6کے قبرستان میں سپردخاک کردیا


ایم کیوایم کے ہمدردشمائیل بیگ شہیداورکامران شہیدکو آہوں اورسسکیوں کے درمیان کورنگی نمبر6کے قبرستان میں سپردخاک کردیا
 Posted on: 3/20/2016
ایم کیوایم کے ہمدردشمائیل بیگ شہیداورکامران شہیدکو آہوں اورسسکیوں کے درمیان کورنگی نمبر6کے قبرستان میں سپردخاک کردیا
شہداء کی نمازجنازہ اورتدفین میں رابطہ کمیٹی،منتخب نمائندوں اورایم کیوایم کے ذمہداران وکارکنان کی شرکت ،مغفرت کے لئے دعا
ایم کیوایم کے ہمدردشمائیل بیگ اورکامران کی شہادت کاواقعہ ماورائے عدالت قتل ہے جس کامقصدمہاجروں کی نسل کشی ہے
رکن رابطہ کمیٹی محفوظ یارخان کی کامران شہیداورشمائیل بیگ شہیدکی نمازجنازہ کے بعدمیڈیا کو بریفنگ
کراچی ۔۔۔ 20؍ مارچ 2016ء
متحدہ قومی موومنٹ کورنگی ٹاؤن یوسی25کے مہاجر ہمدرد نوجوانوں شمائیل بیگ شہیداورکامران شہیدکوسینکڑوں سوگواران کی آہوں اور سسکیوں کے درمیان کورنگی نمبر6کے قبرستان میں سپردخاک کردیاگیااس سے قبل دونوں مہاجرشہداء کی اجتماعی نمازجنازہ بعدنمازمغرب کورنگی نمبر6،50-Bبدھ بازار گراؤنڈ میں ادا کردی گئی۔نمازجنازہ اورتدفین میں ایم کیوایم کی رابطہ کمیٹی کے رکن محفوظ یارخان،حق پرست اراکین اسمبلی سید سردار احمد، شہراز وحید، عامرمعین پیرزادہ،جوائنٹ انچارج سینٹرل ایگزیکٹوکونسل عارف حیدرودیگرا راکین ، ٹاؤن،یوسی اور وارڈ کے چیئرمین ،وائس چیئرمین ،کونسلرز،ذمہ داران،کارکنان ،ہمدردوں اورشہداء کے عزیزواقارب نے بڑی تعدادمیں شرکت کی اورشہداء کی مغفرت،ان کے درجات کی بلندی کے لئے فاتحہ خوانی اورسوگواران کے صبرجمیل کے لئے دعائیں کیں۔اس موقع پرانتہائی رقت آمیزمناظردیکھنے میںآئے شہداء کے بھائی ،بچے اور عزیزرشتہ دار اوردیگردوست احباب شدیدغم سے نڈھال تھے جنہیں ایم کیوایم کی رابطہ کمیٹی اوردیگرذمہ داران ن دلاسہ دیااورسینے سے لگایا۔
علاوہ ازیں ایم کیوایم کی رابطہ کمیٹی کے رکن محفوظ یارخان ایڈووکیٹ نے کہاہے کہ ایم کیوایم کے ہمدردشمائیل بیگ اورکامران کی شہادت کاواقعہ حقیقتاًماورائے عدالت قتل ہے جس کامقصدمہاجروں کی نسل کشی ہے۔یہ بات انہوں نے شمائیل شہیداورکامران شہیدکی نمازجنازہ کے بعدصحافیوں کوپریس بریفنگ دیتے ہوئے کہی۔اس موقع پران کے ہمراہ ایم کیوایم کے ذمہ داران وحق پرست نمائندے بھی موجودتھے۔محفوظ یارخان نے کہاکہ ہم کس دل سے بتائیں کہ ہمارے دوہمدردجن کے یہاں جنازے پڑئے گئے ہیں ان کے گھرواوں اوراہل محلہ غم سے نڈھال اورس سراپااحتجاج ہیں۔ان کے گھروالے کس سے انصاف مانگیں ان کی پیٹشن عدالتوں میں ہیں ۔انہوں نے کہاکہ18نومبر 2015ء کوقانون نافذ کرنے والے اداروں نے ایم کیوایم پنجابی سرائیکی آرگنائزنگ کمیٹی کورنگی ٹاؤن کے کارکن یامین علی کے صاحبزادے عمران علی کوگرفتارکیاتھاجس کے چند روزبعد قانون نافذ کرنے والے ایک ادارے کے نقاب پوش اہلکاروں نے کورنگی یوسی 26 سے پانچ مہاجر نوجوانوں عمران احمدخان، سیدحامد،کامران، زوہیب اورشمائیل کو ان کے گھروں سے گرفتارکیا۔ان گرفتارشدگان میں سے عمران احمدخان کو 2دسمبرکوچھوڑدیاگیاتاہم 23فروری 2016ء کو سید حامدایک جعلی مقابلے میں ماورائے عدالت قتل کردیاگیا ۔ باقی رہ جانے والے چارمہاجرنوجوانوں میں دو مہاجرنوجوانوں شمائل بیگ اورکامران کی تشدد زدہ لاشیں آج کورنگی کراسنگ کے علاقے سے ملیں جبکہ عمران علی ولدیامین علی اور زوہیب ولدسہیل تاج تاحال لاپتہ ہیں۔قانون نافذ کرنے والے اداروے کیاکررہے ہیں۔چارمہینوں سے لوگ لاپتہ تھے،مہاجروں کی نسل کشی کی جارہی ہے،محفوظ یارخان نے سندھ ہائی کورٹ کے چیف جسٹس سے اپیل کی کہ شمائیل بیگ شہیداورکامران شہیدکے لئے جوڈیشنل کمیشن بنایاجائے۔انہوں نے کہاکہ اس علاقے میں خوف کی فضاء ہے یہ اس علاقے کے نوجوانوں کوگرفتارکرکے لیجایاجاتاہے اگران لوگوں نے کوئی جرم کیابھی تھاتوانہیں عدالتوں میں پیش کیاجاتا۔ان کی کوئی ایف آئی آر نہیں تھی۔انہوں نے شہداء کے سوگواران سے قائدتحریک جناب الطاف حسین کی جانب سے دلی تعزیت کااظہارکرتے ہوئے کہاکہ شہیدشمائیل بیگ کے تین بچے ہیں اورکامران شہیدکے دوبچے ہیں اب ان کے گھروالوں کی کفالت کون کرے گا۔ایم کیوایم کے قائدالطا ف حسین کی جانب سے ہم ان کے گھرتعزیت کرنے آئے ہیں،اللہ تعالیٰ ان شہیدوں کاانصاف فراہم کرے گا جو جو لاپتہ ہیں ان کوبھی سامنے لاؤں ہماری نسل کشی بندکروں ہم بھی پاکستانی ہیں ہم نے اس ملک کے لئے کتنی قربانیاں دی ہیں ہم انصاف کے لئے عدالتوں کادروازہ کھٹکٹھائیں گے ۔ پریس بریفنگ سے سیدسرداراحمدنے کہاکہ کورنگی ایم کیوایم کاقلعہ ہے یہاں کے لوگ قائدتحریک الطاف حسین سے محبت کرتے ہیں اور الطاف حسین کے لئے یہ لوگ قربانیاں دے رہے ہیں۔انہوں نے کہاکہ پاکستان ہمارے آباؤاجدادنے20لاکھ جانوں کی قربانی دیکربنایااس سے قبل یہاں انگریزوں کی حکومت قائم تھی، کراچی کے عوام سترفیصدٹیکس دیتے ہیں اور ان کے ہی بچوں کولاپتہ کردیاجاتاہے۔ہمیں امیدہے کہ سندھ حکومت اس کی انکواری کرے گی اورآئی جی سندھ ایمانداری اورغیرجانبدداری سے اس کی تفتیش کریں گے۔


9/27/2016 5:20:44 PM