لاہور میں مال روڈ پر پولیس کی جانب سے پی ٹی آئی کے نہتے کارکنوں پر لاٹھی چارج اور تشدد کا نشانہ بنانے پر رابطہ کمیٹی کا اظہار مذمت
وزیر اعلیٰ پنجاب شہباز شریف کی جانب سے واقعہ کا فوری نوٹس لینا مثبت اور حقیقی جمہوری عمل ہے
کراچی : ۔۔24؍ اگست 2013ء
ایم کیو ایم رابطہ کمیٹی نے لاہور مال روڈ پر تحریک انصاف( پی ٹی آئی )کے نہتے کارکنوں پر پولیس کی جانب سے لاٹھی چارج اور انہیں تشدد کا نشانہ بنانے کی شدید الفاظ میں مذمت کی ہے ۔ رابطہ کمیٹی نے پنجاب اسمبلی میں اپوزیشن لیڈر میاں محمود الرشید سے اظہار ہمدردی کرتے ہوئے پولیس کی جانب سے اس عمل کو افسوسناک قرار دیا ہے ۔رابطہ کمیٹی نے وزیراعلیٰ پنجاب شہباز شریف کی جانب سے اس واقعہ کا فوری نوٹس لیتے ہوئے پی ٹی آئی کے رہنماؤں اور کارکنوں کی فوری رہائی کے حکم کو سراہا ہے۔ رابطہ کمیٹی نے شہبازشریف کے اس عمل کو مثبت قدم قرار دیا اور اسے حقیقی جمہوری عمل قرار دیا ہے ۔