محترمہ عاصمہ جہانگیر کی جناب الطاف حسین سے فون پر گفتگو، جناب الطاف حسین کی خیر و عافیت دریافت کی
لندن۔۔ 9مارچ2016ء
نامور وکیل محترمہ عاصمہ جہانگیر نے جناب الطاف حسین کو فون کر کے ان کی خیریت دریافت کی۔ محترمہ عاصمہ جہانگیر نے پاکستان میں جناب الطاف حسین کی صحت سے متعلق جھوٹی افواہوں کی پرزور مذمت کرتے ہوئے کہا کہ یہ گمراہ کن خبریں ملک کی تیسری بڑی لبرل جماعت اور اس کے قائد کے خلاف ایک مکروہ سازش ہے۔ محترمہ عاصمہ جہانگیر نے جناب الطاف حسین کو لاہور ہائیکورٹ میں جاری کیس پر تفصیلی تبادلہ خیال کرتے ہوئے مختلف امور پر انہیں تازہ ترین صورتحال سے آگاہ کیا۔ اس موقع پر گفتگو کرتے ہوئے جناب الطاف حسین نے کہا ہے کہ ان کے وکلاء بھر پور انداز میں لاہور ہائیکورٹ میں ان پر عائد پابندی کے خلاف مقدمہ لڑ رہے ہیں اور جلد ہی ان کی کاوشیں اور انتھک محنت رنگ لائے گی۔