جناب الطاف حسین کی میڈیا پر تقریر ، تصویر اور بیانات کی اشاعت ور نشر کرنے پر عائد پابندی کے خلاف ایم کیوایم کے تحت کراچی پریس کلب کے باہر علامتی بھوک ہڑتال دوسرے روز بھی جاری رہی

کراچی ۔۔۔20، فروری 2016ء 

قائد تحریک جناب الطاف حسین کی میڈیا پر تقریر ، تصویر اور بیانات کی اشاعت اور نشر کرنے پرعائد پابندی کے خلاف متحدہ قومی موومنٹ کے زیراہتمام علامتی بھوک ہڑتال دوسرے دن بھی کراچی پریس کلب کے باہر پرجوش انداز میں جاری رہی ۔ ہفتہ کے روز علامتی بھوک ہڑتال کے دوسرے دن بھوک ہڑتال کا آغاز ایم کیوایم کی رابطہ کمیٹی کے سینئرڈپٹی کنوینرزعامرخان،ڈاکٹرمحمدفاروق ستار،ارکان رابطہ کمیٹی عبد الحسیب ، محمد حسین ، اقبال مقدم ، گلفراز خان خٹک ، محترمہ ریحانہ نسرین ، عارف خان ایڈووکیٹ اور حق پرست اراکین قومی وصوبائی اسمبلی نے کراچی پریس کلب کے باہر بھوک ہڑتالی کیمپ پر صبح11بجے بیٹھ کر کیا ۔اس موقع پر بھوک ہڑتالی کیمپ میں بلدیاتی انتخابات میں کراچی کے چھ ڈسٹرکٹ سے منتخب ہونے والے یوسی چیئرمین ، وائس چیئرمین اور ایم کیوایم کے ذمہ داران و کارکنان اور خواتین بھی بڑی تعداد میں موجود تھیں ۔ بھوک ہڑتالی کیمپ کے شرکاء نے اپنے منہ پر پتیاں پہن رکھی تھی جن پر سلے ہوئے ہونٹ بنے ہوئے جبکہ اسی پٹی پر ’’قائد تحریک جناب الطا ف حسین کی زباں بندی ، نامنظور نامنظور ‘‘ کامطالبہ جعلی حروف میں تحریر تھا ۔ بھوک ہڑتالی کیمپ کے شرکاء جب بھوک ہڑتال پر بیٹھ رہے تھے تو انہوں نے جناب الطا ف حسین کے حق میں فلک شگاف نعرے لگائے اور ان سے مکمل یکجہتی کااظہار کیا ۔

بھوک ہڑتال کے دوسر ے روزبھی مختلف سیاسی ، مذہبی ، سماجی ، صحافی شخصیات سمیت تاجروں ، صنعتکاروں ، انجینئرز ، ڈاکٹروں، وکلاء اور مختلف شعبہ ہائے زندگی سے تعلق رکھنے والے معروف شخصیات کے علاوہ اے پی ایم ایس او کی مرکزی کابینہ کے اراکین نے کالجوں اور یونیورسٹیوں کے طلباء کے ایک بڑے وفد کے ہمراہ بھوک ہڑتالی کیمپ کا دورہ کیا اور کیمپ پر بیٹھ کر جناب الطاف حسین پر پابندی کے خلاف یکجہتی کااظہار کیا ۔ اس موقع پر وفود نے میڈیا کے سامنے جناب الطاف حسین پر عائد پابندی پر اپنے خیالات کااظہار کیا اور اس کی بھر پور مذمت کی ۔ بھوک ہڑتالی کیمپ کے دوسرے روز ایم کیوایم شعبہ اطلاعات لٹریچر کمیٹی کے رکن اصغر انقلابی نے انقلابی اور تحریک سے وابستگی کی نظمیں پڑھیں جنہیں بھوک ہڑتالی شرکاء نے بے حد سراہا ۔ بھوک ہڑتالیکیمپ صبح سے لیکر رات قائد تحریک جناب الطا ف حسین کے حق میں فلک شگاف نعروں سے گونجتا رہا ۔