فیصل آباد ، اسلام آباد اور لاہو رمیں دہشت گردوں کی فائرنگ سے 6پولیس اہلکاروں کی ہلاکت کے واقعات پر رابطہ کمیٹی کااظہار مذمت

کراچی ۔۔۔20فر وری 2016ء 

متحد ہ قومی مو ومنٹ کی را بطہ کمیٹی نے گز شتہ دنوں فیصل آبا د، اسلام آباد اور لاہور میں دہشت گردوں کے پولیس اہلکاروں پر فائرنگ اور حملے کے واقعات کی شدید مذمت کی ہے اور ان واقعات میں فیصل آباد میں تین پولیس اہلکاروں ، اسلام آباد میں ایک پولیس اہلکار اور لاہور میں دو پولیس اہلکاروں کی ہلاکت پر گہرے دکھ اور افسوس کااظہار کیا ہے ۔ ایک بیا ن میں را بطہ کمیٹی نے کہا کہ پنجاب کے شہر فیصل آباد ، اسلام آباد اور لاہور میں تسلسل کے ساتھ دہشت گردوں کی جانب سے پولیس اہلکاروں پر حملے اور انہیں فائرنگ کرکے ہلاک کرنے کے واقعات اس بات کی نشاندہی کرتے ہیں پنجاب میں امن و امان کی صورتحال خراب ہے اور وہاں بھی دہشت گرد وں نے اپنے پیر جما رکھے ہیں ۔ را بطہ کمیٹی نے کہا کہ جیسے جنو بی وزیر ستان میں آپر یشن ضرب عضب اور کر اچی آپر یشن ہو رہا ہے ایسے ہی پنجا ب بھر میں رینجرز کی نگر انی میں دہشت گردوں کے خلاف بھر پور آپریشن کیاجائے اور پولیس اہلکاروں اور عوام کی جان کے دشمن دہشت گرد عناصر کا فی الفور خاتمہ کیاجائے ۔ رابطہ کمیٹی نے فیصل آباد، اسلام آباد اور لاہور میں دہشت گردوں کے فائرنگ کے واقعات میں ہلاک ہونے والے 6 پو لیس اہلکا رو ں کے بلند درجات کیلئے دعا کی اور ہلاک پولیس اہلکاروں کے تمام سوگوار لواحقین سے دلی تعزیت وہمدردی کااظہار کیا ۔ را بطہ کمیٹی نے وزیراعظم نواز شریف ،چیف آف آرمی اسٹا ف جنر ل را حیل شریف،وفاقی وزیر داخلہ چوہدری نثار علی خان اور ویزراعلیٰ پنجاب شہباز شریف سے مطالبہ کیا کہ فیصل آباد ، اسلام آباد اور لاہور میں دہشت گردوں کی فائرنگ اور حملوں میں پولیس اہلکاروں کی ہلاکت کے واقعات کا سنجیدگی سے نوٹس لیاجائے، پنجاب میں رینجرز کو کراچی جیسے اختیارات دیکر دہشت گردوں کے خلاف فی الفور آپریشن شروع کیاجائے اور پولیس اہلکاروں کے قتل میں ملوث دہشت گردوں کو گرفتار کرکے قرار واقعی سزا د ی جائے ۔