عوام 15 روز کیلئے اپنی ضروری ادویات اور خشک اجناس کا ذخیرہ کرلیں، الطاف حسین

لندن۔۔۔17،فروری 2016ء 

متحدہ قومی موومنٹ کے قائد جناب الطاف حسین نے تمام پاکستانیوں سے دردمندانہ اپیل کی ہے وہ آئندہ 15 یوم تک انتہائی احتیاط ،چوکسی ،ہوشمندی کے ساتھ گزاریں اورنہ صرف اپنی آنکھیں بلکہ اپنا ذہن بھی کھلا رکھ کر آمد ورفت کریں ۔ایک بیان میں جناب الطاف حسین نے کہا کہ ذیابطیس ،بلڈ پریشر ،دل کے امراض اورنفسیاتی امراض بشمول ٹینشن جیسے امراض میں مبتلا افراد کیلئے ڈاکٹروں نے جو ادویات تجویز کی ہیں وہ افراد15 دن کی ادویات کا کوٹہ لازمی اپنے گھر میں رکھیں، ڈاکٹروں کے مشورے سے 15، دن کیلئے بچوں کودی جانے والی ادویات کا اسٹاک گھر میں رکھ لیں اور اسی طرح عوام اپنے گھروں میں خشک اجناس اوررروز مرہ استعمال کی جانے والی اشیاء کا لازمی ذخیرہ کرلیں ۔انہوں نے مزیدکہا کہ عوام ،روز مرہ استعمال کئے جانے والے کپڑوں کو دھو لیں یا دھلوالیں جسے وہ پندرہ روز تک باآسانی سے استعمال کر سکتے ہوں ،اس کے علاوہ روز مرہ کے استعمال کی اشیاء جن میں بیٹری (سیل) ، ماچس ، موم بتی ، تیل، لکڑی ،کوئلہ اوردیگر اشیاء شامل ہیں ان کا بھی ذخیرہ کرلیں اوراپنی اپنی گاڑیوں میں پٹرول بھرواکر رکھ لیں ۔ 

جناب الطاف حسین نے کہا کے ملک بھر کے محب وطن پاکستانیوں کو مخاطب کرتے ہوئے کہاکہ آپ دیکھ رہے ہیں کہ موسم میں اچانک تبدیلی واقع ہورہی ہیں، پاکستان میں تواتر کے ساتھ زلزلے آرہے ہیں اور سیاسی ماحول بھی انتہائی غیریقینی صورتحال سے دوچار ہیں ، ان حالات میں اگلے پندرہ روز انتہائی اہم ہیں ، میری دعا ہے کہ اللہ تعالیٰ آپ کا اور ہم سب کا حامی وناصر ہو ۔(آمین)
English