کراچی مضافاتی آرگنائزنگ کمیٹی ابراہیم حیدری سیکٹر کے جوائنٹ سیکٹر انچارج زاہد حسین کے بڑے بھائی حاجی عبد الشکور کے بہیمانہ قتل پر ایم کیو ایم رابطہ کمیٹی کا اظہار مذمت
حاجی عبد الشکور کے قتل کا فوری نوٹس لیا جائے اور اس واقعے میں ملوث دہشت گردوں کو گرفتار کرکے قانون کے مطابق سخت سے سخت سزا دی جائے
کراچی۔۔۔۔21اگست2013
متحدہ قومی موومنٹ کی رابطہ کمیٹی نے کراچی مضافاتی آرگنائزنگ کمیٹی ابراہیم حیدری سیکٹر کے جوائنٹ انچارج زاہد حسین کے بڑے بھائی حاجی عبدالشکور کے بہیمانہ قتل پرشدید مذمت کرتے ہوئے اس واقعے کو کھلی دہشت گردی قرار دیا ہے۔اپنے بیان میں رابطہ کمیٹی نے کہا کہ ایم کیو ایم کے کارکنان و ہمدردوں کا قتل شہر میں امن و امان کی صورتحال کو خراب کرناہے جس کی جتنی مذمت کی جائے کم ہے۔ رابطہ کمیٹی نے گورنر سندھ ڈاکٹر عشرت العباد خان اور وزیر اعلیٰ سندھ سید قائم علی شاہ سے مطالبہ کیا ہے کہ حاجی عبد الشکور کے قتل کا فوری نوٹس لیا جائے اور واقعے میں ملوث دہشت گردوں کو گرفتار کرکے قانون کے مطابق سخت سے سخت سزا دی جائے ۔ انہوں نے مرحوم کے سوگوار لواحقین سے دلی تعزیت و ہمدردی کااظہار کرتے ہوئے دعا کی کہ اللہ تعالی مرحوم کو اپنی جوار رحمت میں جگہ عطافرمائے اور تمام سوگواران کویہ صدمے کوبرداشت کرنے کاحوصلہ اور صبر جمیل عطا فرمائے (آمین) دریں اثنا ء مرحوم کی نمازجنازہ جمعہ بلوچ گراؤنڈ میں جبکہ تدفین مقامی قبرستان میں کی گئی۔ نماز جنازہ و تدفین میںKMOC کے انچارج و اراکین ، ابراہیم حیدری سیکٹر کے ذمہ داران و کارکنان اورعزیزو اقارب سمیت اہلیان علاقہ نے بڑی تعداد میں شرکت کی۔