جناب الطاف حسین کے خلاف برطانیہ میں منی لانڈرنگ کیس میں ضمانت کے خاتمے کی خوشی میں ایم کیوایم بیلجیئم کے تحت نوافل شکرانہ نماز

بیلجیئم 6فروری 2016ء

متحدہ قومی موومنٹ کے قائد جناب الطاف حسین کے خلاف برطانیہ میں منی لانڈرنگ کیس میں ضمانت کے خاتمے کی خوشی میں ایم کیوایم بیلجیئم کے تحت مختلف مقامات پر اللہ تعالیٰ کے حضور نوافل شکرانہ نماز ادا کئے گئے ۔ نوافل نماز کے بعدحق پرستی کی جدوجہدمیں تمام حق پرست شہداء ،شہید انقلاب ڈاکٹر عمران فاروق ، قائد تحریک کے بڑے بھائی ناصر حسین شہید ،بھتیجے عارف حسین شہید ،والدہ محترمہ خورشید بیگم ،والد محترم نذیرحسین مرحوم کی ارواح کی مغفرت اور لواحقین کیلئے صبر جمیل کی دعائیں کی گئیں جبکہ قائد تحریک جناب الطاف حسین کی صحت وتندرستی درازی عمر اور تحریک کی کامیابی کیلئے خصوصی دعا کی گئی۔ نماز شکرانہ میں ایم کیوایم بیلجیئم یونٹ کے ذمہ داران وکارکنان اور بیلجیئم میں مقیم پاکستانیوں نے بڑی تعداد میں شرکت کی ۔