ایم کیوایم رابطہ کمیٹی کی کوئٹہ میں کچہری روڈ پر قانون نافذ کرنے والے ادارے کی گاڑی پر بم حملے کے واقعے کی مذمت
رابطہ کمیٹی کادھماکے کے نتیجے میں متعدد افراد کے جاں بحق اور زخمی ہونے والوں کے لواحقین سے اظہار تعزیت اور صحتیابی کی دعا
دہشت گردوں کو فی الفور گرفتار کرکے عبرتناک سزا دی جائے وزیر اعظم ، وزیر داخلہ ، وزیر اعلی بلوچستان اور وزیر داخلہ بلوچستان سے مطالبہ
کراچی ۔۔۔۔06فروری 2016
متحدہ قومی موومنٹ کی رابطہ کمیٹی نے کوئٹہ میں کچہری روڈ پر قانون نافذ کرنے والے ادارے کی گاڑی پر بم حملے کے نتیجے میں متعدد افراد کے جاں بحق اور زخمی ہونے کے واقعے کی سخت ترین الفاظ میں مذمت کی ہے ۔رابطہ کمیٹی نے اپنے ایک بیان میں صوبہ بلوچستان میں بڑھتی ہوئے دہشت گرد ی کے واقعات پر گہری تشویش کا اظہار کرتے ہوئے کہاکہ ملک مسلسل اندورنی دہشت گردی کا شکار ہے جس کے باعث پورے پاکستان کے شہری ذہنی اذیت کا شکار ہیں۔ انہوں نے کہا کہ قانون نافذ کرنے والے اداروں کی کارروائیوں اور نیشنل ایکشن پلان کے باوجود دہشت گردی کے پہ در پہ واقعات ان اداروں کے لئے ایک چیلنج بنے ہوئے ہیں ۔ جس کا حکومت کوسنجیدگی سے نوٹس لینا ہوگا۔ انہوں نے اس واقعے میں جاں بحق ہونے والے افراد کے لواحقین سے دلی تعزیت اور ہمدردی کا اظہار کرتے ہوئے دعا کی کہ اللہ تعالیٰ جاں بحق افراد کواپنے جوار رحمت میں جگہ اورزخمی ہونے والے افرادکو جلد اور مکمل صحت یابی عطا فرمائے۔ انہوں نے وزیر اعظم پاکستان نواز شریف ، وزیر داخلہ چوہدری نثار ، وزیر اعلی بلوچستان اور وزیر داخلہ بلوچستان سے مطالبہ کیا کہ اس واقعے میں ملوث دہشت گردوں کو فی الفور گرفتار کرکے عبرتناک سزا دی جائے۔