جناب الطاف حسین نے پاکستان میں حقیقی معنوں میں سیاست برائے خدمت کی مثال قائم کی۔ کشور زہرہ

کراچی ۔۔۔ 05؍ فروری 2016ء

متحدہ قومی موومنٹ شعبۂ خواتین کی انچاج کشور زہرہ نے کہا کہ قائد تحریک جناب الطاف حسین پر منی لانڈرنگ کے الزام کی تفتیش میں ضمانت کی پابندیوں کے خاتمہ اور فردجرم عائدنہ کرنے کے میٹر وپولیٹن پولیس کے فیصلے کا خیرمقدم کرتے ہوئے کہا کہ جناب الطاف حسین نے پاکستان میں حقیقی معنوں میں سیاست برائے خدمت کی مثال قائم کی۔ انہوں نے کہا کہ ماضی میں مختلف لوگوں کے ذریعے پاکستان کی تمام سیاسی جماعتوں کے لیڈرز میں لاکھوں روپے تقسیم کئے گئے لیکن قائد تحریک واحدہیں جنہوں نے پیسوں سے بھرا بریف کیس ٹھکرا دیا لہٰذا لندن میں جناب الطاف حسین پر جاری منی لانڈرنگ کیس کا انجام فطری ہے۔ انہوں نے کہا کہ میٹروپولیٹن پولیس کی تحقیقات کے بعد جناب الطاف حسین کو منی لانڈنگ کیس میں سرخرو ہونے پر ایم کیو ایم شعبۂ خواتین سمیت پاکستان کے تمام حق پرست عوام کی جانب سے قائد تحریک جناب الطاف حسین کوبہت بہت مبارکباد۔