قائدتحریک الطاف حسین کی ضمانت کی منسوخی اورشرائط کے خاتمہ کی اطلاع ملتے ہی ایم کیوایم انٹرنیشنل سیکریٹریٹ میں جشن، خوشخبری ملتے ہی سیکریٹریٹ میں خوشی کی لہردوڑگئی،

لندن ۔۔۔ یکم فروری 2016ء 

پیرکی شام میٹروپولیٹن پولیس کی جانب سے منی لانڈرنگ کیس میں جاری تفتیش کے سلسلے میں جناب الطاف حسین اورایم کیوایم کے سینئرار کان کی ضمانت کی منسوخی اور پولیس کی جانب سے عائد کردہ شرائط کے خاتمہ کی اطلاع جیسے ہی لندن میں ایم کیوایم کے انٹرنیشنل سیکریٹریٹ موصول ہوئی تواس خوشخبری کے ملتے ہی سیکریٹریٹ میں موجودتمام اراکین رابطہ کمیٹی اورکارکنوں میں خوشی کی لہردوڑگئی اورتمام ہی لوگوں نے ’’ نعرہ الطاف۔۔۔جئے الطاف ‘‘ کے زوردار نعرے لگا ئے اورگلے لگاکرایک دوسرے کومبارکباددی ۔ جناب الطاف حسین نے انٹرنیشنل سیکریٹریٹ فون کیاتوتمام ذمہ داروں اور کارکنوں نے ایک بار پھر جئے الطاف کے زوردارنعرے لگانے شروع کئے اورسب نے جناب الطاف حسین کومبارکبادپیش کی ۔ اس موقع پر اراکین رابطہ کمیٹی اورکارکنان خوشی میں آبدیدہ تھے ۔ جناب الطاف حسین نے بھی سب کومبارکبادپیش کی اورسب کے لئے دعائیں کیں۔ جناب الطاف حسین نے فوری طورپر کراچی میں ایم کیو ایم کے مرکزنائن زیروفون کیااوروہاموجود رابطہ کمیٹی کے اورکان اورتمام تنظیمی شعبہ جات کے ارکان کواس خبرسے آگاہ کیا۔ یہ خبرسنتے ہی نائن زیروپرموجود تمام اراکین رابطہ کمیٹی اورکارکنوں نے بھی بے اختیار’’ جئے الطاف ‘‘ کے نعرے لگانے شروع کردیئے۔تمام ساتھیوں نے جناب الطاف حسین کواس بات کی مبارکبادپیش کی ۔جناب الطاف حسین نے اس موقع پر گفتگوکرتے ہوئے قرآن مجیدکی سورہ ء والعصر اورسورہء کوثرکی تلاوت کی اورمیں کل بھی اللہ تعالیٰ کی رضاپرراضی تھااورآج بھی اس کے آگے سربسجودہوں۔انہوں نے تمام ساتھیوں سے بھی کہاکہ آپ بھی اس پر اللہ تعالیٰ کاشکراداکریں اوریہ یقین رکھیں کہ ہم حق اورسچ پرہیں۔