Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

دہشت گردوں کی دھمکیوں اور عدم سیکیورٹی کے باعث کراچی سمیت ملک بھر میں اسکولوں کی بند ش پر رابطہ کمیٹی کااظہار تشویش


دہشت گردوں کی دھمکیوں اور عدم سیکیورٹی کے باعث کراچی سمیت ملک بھر میں اسکولوں کی بند ش پر رابطہ کمیٹی کااظہار تشویش
 Posted on: 1/31/2016
دہشت گردوں کی دھمکیوں اور عدم سیکیورٹی کے باعث کراچی سمیت ملک بھر میں اسکولوں کی بند ش پر رابطہ کمیٹی کااظہار تشویش
اسکولوں کی بندش سے بچوں کی پڑھائی شدید متاثر ہورہی ہے اور والدین اپنے بچوں کا تاریک مستقبل دیکھ کرپریشانی میں مبتلا ہیں ، رابطہ کمیٹی 
اسکول انتظامیہ اور عوام اسکولوں اور محلوں کی سیکورٹی کیلئے مربوط چوکیداری نظام قائم کریں ، رابطہ کمیٹی کی اپیل 
ملک کے معماروں کا مستقبل تاریکی میں دھکیلنے کے بجائے تابناک بنانے کیلئے تمام تر اقدامات اٹھائیں 
جائیں ، رابطہ کمیٹی کا وفاقی اور چاروں صوبائی حکومتوں سے مطالبہ 
کراچی ۔۔۔31، جنوری 2016ء 
متحدہ قومی موومنٹ کی رابطہ کمیٹی نے دہشت گردوں کی دھمکیوں اور عدم سیکیورٹی کے باعث کراچی سمیت ملک بھر میں اسکولوں کی بند ش پر گہری تشویش کااظہار کیا ہے اور وفاقی اور صوبائی حکومتوں سے مطالبہ کیا ہے کہ اسکولوں سیکورٹی کے لئے فی الفور مثبت اقدامات بروئے کار لائے جائیں ۔ ایک بیان میں رابطہ کمیٹی نے کہاکہ دہشت گردوں کی دھمکیوں اور عدم سیکورٹی کے باعث اسکولوں کی بندش سے بچوں کی پڑھائی شدید متاثر ہورہی ہے اور والدین اپنے بچوں کا تاریک مستقبل دیکھ کرپریشانی میں مبتلا ہیں ۔ رابطہ کمیٹی نے کہاکہ اسکولوں کی بندش پر وفاقی اور صوبائی حکومتوں کی مشترکہ اور بنیادی ذمہ داری ہے کہ وہ اس کا مثبت اور ٹھوس حل مل بیٹھ کر نکالیں اورملک کے مستقبل کے معماروں کا مستقبل تاریکی میں دھکیلنے کے بجائے تابناک بنانے کیلئے تمام وسائل اور ذرائع استعمال میں لائیں۔ رابطہ کمیٹی نے اسکول انتظامیہ اور عوام سے اپیل کی کہ وہ اسکولوں اور محلوں کی سیکورٹی کیلئے مربوط چوکیداری نظام قائم کریں اور کسی بھی مشکوک فرد یا واقعہ کی اطلاع قریبی اسٹیشن کو دیں ۔ رابطہ کمیٹی نے وزیراعظم پاکستان نواز شریف اور چاروں صوبائی حکومتوں کے وزرائے اعلیٰ سے مطالبہ کیا کہ دہشت گردوں کی دھمکیوں سے اسکولوں کے تحفظ کیلئے ٹھوس سیکورٹی پلان بنایاجائے اور اس پر عملدرآمد کراکر اسکولز انتظامیہ میں پائے جانے والے تحفظات کو فی الفور دور کیاجائے ۔

9/28/2016 3:30:43 PM