Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

جناب الطاف حسین کی تقاریر اورتصاویر پر پابندی کو عوام اب مزید برداشت نہیں کریں گے ، حق پرست سینیٹرز


جناب الطاف حسین کی تقاریر اورتصاویر پر پابندی کو عوام اب مزید برداشت نہیں کریں گے ، حق پرست سینیٹرز
 Posted on: 1/27/2016
جناب الطاف حسین کی تقاریر اورتصاویر پر پابندی کو عوام اب مزید برداشت نہیں کریں گے ، حق پرست سینیٹرز 
اہلیان کراچی نے لاکھوں کی تعداد میں نکل کرچورنگیوں ، چوراہوں اور سڑکوں پر اپنا پرامن احتجاج ریکارڈ کرادیا ہے جو ارباب اختیار و اقتدار کیلئے نوشتہ دیوار ہے ، حق پرست سینیٹرز 
ملک میں کالعدم تنظیموں کے نام نہاد رہنما مسلح افواج ، ملک و قوم کے خلاف کھلے عام لاؤڈ اسپیکروں پر اظہار خیال کررہے ہیں لیکن ان کے اظہار رائے کی آزادی کو سلب نہیں کیاجارہا ہے ، حق پرست سینیٹرز 
عوام اس پابندی کے خلاف اس وقت تک سراپا احتجاج رہیں گے جب تک اس غیر جمہوری پابندی کا خاتمہ نہیں کردیاجاتا ، حق پرست سینٹرز
کراچی ۔۔۔27، جنوری 2016ء 
متحدہ قومی موومنٹ کے سینیٹرز نے کہا ہے کہ قائدتحریک جناب الطاف حسین کی تقاریر اور تصاویر پر پابندی جمہوریت اور اظہار رائے کی آزادی کے صریحاً منافی ہے اور اس پابندی کو حق پرست عوام اب مزید برداشت نہیں کریں گے ۔ اپنے مشترکہ بیان میں انہوں نے کہاکہ جناب الطاف حسین کی تقاریر اور تصاویر پر پابندی کے خلاف کل اہلیان کراچی نے لاکھوں کی تعداد میں نکل کرچورنگیوں ، چوراہوں اور سڑکوں پر اپنا پرامن احتجاج ریکارڈ کرادیا ہے جو ارباب اختیار و اقتدار کیلئے نوشتہ دیوار ہے ۔ انہوں نے کہاکہ جمہوری دور حکومت میں جناب الطاف حسین کی تقاریر اور تصاویر پر پابندی اظہار رائے کی آزادی کی دھجیاں اڑانے کے مترادف ہے جس کی جتنی بھی مذمت کی جائے کم ہے ۔ انہوں نے کہاکہ جناب الطاف حسین کی تقاریر اور تصاویر پرپابندی کے غیر جمہوری عمل سے کروڑوں عوام کے جذبات اور احساسات مجروح ہورہے ہیں لیکن اس کے باوجود بھی جناب الطاف حسین کی تقاریر اور تصاویر پر پابندی برقرار رکھی جارہی ہے جس کے باعث عوام میں شدید غم وغصہ پایاجارہا ہے ۔ انہوں نے کہاکہ ملک میں کالعدم تنظیموں کے نام نہاد رہنما مسلح افواج ، ملک و قوم کے خلاف کھلے عام لاؤڈ اسپیکروں پر اظہار خیال کررہے ہیں لیکن ان کے اظہار رائے کی آزادی کو سلب نہیں کیاجارہا ہے اور الٹا جناب الطاف حسین جو ملک و قوم کے مفاد کی باتیں قبل از وقت بیان کرتے ہیں ان پر سازشیں کرکے پابندیاں عائد کی جارہی ہیں ۔انہوں نے اظہار رائے کی آزادی کی علمبردار ملکی و بین الاقوامی تنظیموں سے اپیل کی کہ وہ جناب الطاف حسین کی تقاریر اور تصاویر پر عائد پابندی کے خلاف صدائے احتجاج بلند کریں اور اظہار رائے کی آزادی کو سلب کرنے کے عمل پر اپنا مثبت کردار ادا کریں ۔ حق پرست سینیٹرز نے وزیراعظم نواز شریف ، چیف آف آرمی اسٹاف اور چیف جسٹس پاکستان سے مطالبہ کیا کہ وہ جناب الطاف حسین کی تقاریر اور تصاویر پر عائد غیر جمہوری اور غیر آئینی اور متعصبانہ پابندی کا فی الفور خاتمہ کریں بصورت دیگر عوام اس پابندی کے خلاف اس وقت تک سراپا احتجاج رہیں گے جب تک اس غیر جمہوری پابندی کا خاتمہ نہیں کردیاجاتا ۔ 

9/27/2016 3:41:03 AM