ہزارہ صوبہ تحریک کے روح رواں اور بزرگ سیاستدان بابا حیدر زمان کی علالت پر ایم کیوا یم کے قائد کا اظہار تشویش

کراچی:02؍ جنوری 2016ء 

متحدہ قومی موومنٹ کے قائد جناب الطاف حسین نے ہزارہ صوبہ تحریک کے روح رواں اور بزرگ سیاستدان بابا حیدر زمان کی علالت پر تشویش کا اظہار کیا ہے۔ اپنے ایک بیان میں جناب الطاف حسین نے کارکنان اور عوام سے پرزور اپیل کی ہے کہ وہ بابا حیدر زمان کی جلد و مکمل صحتیابی کیلئے اللہ تعالیٰ کے حضور خصوصی دعاکریں ۔جناب الطاف حسین نے کہا کہ بابا حیدر زبان نے ہزارہ کے عوام کو درپیش مسائل کو اجاگر کرنے اور ان کے حل کیلئے پورے پاکستان کی توجہ ہزارہ کی طرف مبذول کروائی اور باقاعدہ جدوجہد کا آغاز کیا ۔جناب الطاف حسین نے کہا کہ ایم کیوا یم بابا حیدر زمان کی ہزارہ صوبہ تحریک کیلئے خدمات کو قدر کی نگاہ سے دیکھتی ہے اور امید کرتی ہے کہ وہ جلد و مکمل صحتیاب ہوکر ہزارہ صوبہ کی تحریک کیلئے اپنا بھرپور کردار ادا کریں گے ۔