Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

مردان میں خود کش بم دھماکہ پر ایم کیوایم کی رابطہ کمیٹی کے سینئر ڈپٹی کنوینر ڈاکٹر فاروق ستار کااظہار مذمت


مردان میں خود کش بم دھماکہ پر ایم کیوایم کی رابطہ کمیٹی کے سینئر ڈپٹی کنوینر ڈاکٹر فاروق ستار کااظہار مذمت
 Posted on: 12/29/2015
مردان میں خود کش بم دھماکہ پر ایم کیوایم کی رابطہ کمیٹی کے سینئر ڈپٹی کنوینر ڈاکٹر فاروق ستار کااظہار مذمت 
بم دھماکوں میں ملوث سفاک دہشت گردوں کے خلاف نیشنل ایکشن پلان تیز کرکے اس کی سمت درست کی جائے ، ڈاکٹر فارو ق ستار 
مردان میں دھماکے میں جاں بحق ہونے والے افرادکے لواحقین سے اظہارتعزیت، زخمیوں کی صحتیابی کیلئے دعا
کراچی ۔۔۔29، دسمبر2015ء 
متحدہ قومی موومنٹ کی رابطہ کمیٹی کے سینئر ڈپٹی کنوینر ڈاکٹر فاروق ستار نے صوبہ خیبرپختونخوا کے شہر مردان میں خود کش بم دھماکہ کی سخت ترین الفاظ میں مذمت کی ہے ۔ ایک بیان میں انہوں نے کہاکہ ملک میں سیکورٹی فورسز ، مساجد ، امام بارگاہوں اور پبلک مقامات پر دھماکے کرنے اور دہشت گردی میں ملوث سفاک دہشت گردوں کے خلاف نیشنل ایکشن پلان تیز کیاجائے اور اس کی سمت درست کرکے ساری توانائی ان دہشت گردوں کے خاتمے پر صرف کی جائے ۔ انہوں نے کہاکہ ایک جانب کالعدم تنظیموں کے سفاک دہشت گرد ملک میں بم دھماکے کررہے ہیں اور معصوم لوگوں کی زندگیوں سے کھیل رہے ہیں اور دوسری جانب ان دہشت گردوں کے خلاف کارورائی کے بجائے مذموم مقاصد کیلئے ایم کیوایم کو نشانہ بنایاجارہا ہے جس کی جتنی بھی مذمت کی جائے کم ہے ۔انہوں نے کہاکہ ملک میں دہشت گردی کرنیوالوں نے دین اسلام کا لبادہ اوڑھ رکھا ہے اور اس کی آڑ میں جس طرح سے معصوم و بے گناہ لوگوں کا خون بہایاجارہا ہے وہ انتہائی قابل مذمت فعل ہے ۔انہوں نے مردان خود کش بم دھماکہ میں درجنوں افراد کے جاں بحق اور زخمی ہونے پر گہرے دکھ اور افسوس کااظہار کرتے ہوئے جاں بحق افراد کے لواحقین سے دلی تعزیت وہمدردی کااظہار کیا اور دعا کی کہ اللہ تعالیٰ جاں بحق افراد کو اپنی جواررحمت میں اعلیٰ مقام عطا فرمائے اور زخمیوں کو جلد مکمل صحت یابی عطاکرے ۔ ڈاکٹر فاروق ستار نے وزیراعظم نوا زشریف اور وزیر اعلیٰ خیبرپختونخوا پرویز خٹک سے مطالبہ کیاکہ مردان میں خود کش بم دھماکہ میں ملوث ملک دشمن دہشت گردوں کو فی الفور گرفتار کیاجائے اور ان کے خلاف جاری نیشنل ایکشن پلان کی سمت کو درست کرکے عوام کی جان ومال کو تحفظ فراہم کیاجائے ۔

12/8/2016 5:54:39 AM