Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

سفاری پارک میں چھ گھنٹے سے زائدجاری پولیس مقابلے کے نتیجے میں ڈی ایس پی سمیت تین پولیس افسران کی ہلاکت پررابطہ کمیٹی کااظہارمذمت


سفاری پارک میں چھ گھنٹے سے زائدجاری پولیس مقابلے کے نتیجے میں ڈی ایس پی سمیت تین پولیس افسران کی ہلاکت پررابطہ کمیٹی کااظہارمذمت
 Posted on: 8/15/2013
سفاری پارک میں چھ گھنٹے سے زائد جاری پولیس مقابلے کے نتیجے میں ڈی ایس پی سمیت تین پولیس افسران کی ہلاکت پررابطہ کمیٹی کا اظہار مذمت 
فرض شناش افسران کی جانب سے جانیں خطرے میں ڈال کرجرائم پیشہ عناصر سے مقابلہ کرنا قابل ستائش ہے جس سے پولیس کا وقار بلند ہوا ہے
شہید ہونیوالے پولیس افسران کو معاوضہ اور سوگواران کو پولیس کے محکمے میں ملازمت دی جائے، رابطہ کمیٹی کا حکومت سندھ سے مطالبہ
کراچی: ۔۔۔15؍اگست2013ء
متحدہ قومی موومنٹ کی رابطہ کمیٹی نے کراچی کے علاقے سفاری پارک میں جرائم پیشہ عناصراورپولیس کے درمیان چھ گھنٹے سے زائد جاری مقابلے کے نتیجے میں ڈی ایس پی قاسم غوری سمیت تین پولیس افسران کی شہادتوں کی سخت ترین الفاظ میں مذمت کی ہے اورجام شہادت نوش کرنیوالے افسران کوزبردست خراج عقیدت پیش کیا ہے۔ایک بیان میں رابطہ کمیٹی نے کہاکہ سندھ پولیس کے فرض شناش افسران جس طرح اپنی جانیں خطرے میں ڈال کر جدید ہتھیاروں سے مسلح جرائم پیشہ عناصرکا مقابلہ کررہے ہیں وہ قابل ستائش ہے جس سے نہ صرف سندھ پولیس کاوقاربلندہواہے بلکہ پولیس پرعوام کااعتمادبھی بحال ہواہے۔رابطہ کمیٹی نے کہاکہ سفاری پارک کراچی کابڑا تفریحی مقام ہے جہاں صبح سے ہی عوام خصوصاًفیملیزخواتین اوربچوں کاجم غفیرموجودرہتاہے ایسے مقام پربڑی تعدادمیں ڈاکوؤں کی موجودگی کراچی کے شہریوں کیلئے لمحہ فکریہ ہے۔رابطہ کمیٹی نے کہاکہ پولیس کے محکمے میں شامل کالی بھیڑوں نے محکمہ پولیس کوبری طرح بدنام کردیا ہے تاہم آج بھی پولیس میں فرض شناش اور بہادر افسران واہلکاروں کی بدولت اس محکمے کامورال بلندہے۔رابطہ کمیٹی نے سفاری پارک پولیس مقابلے میں ڈاکوؤں کی فائرنگ سے شہیدہونیوالے پولیس افسران کوزبردست سلام عقیدت پیش کرتے ہوئے گورنرسندھ ڈاکٹرعشرت العباد اور وزیراعلیٰ سندھ سید قائم علی شاہ سمیت اعلیٰ حکام سے مطالبہ کیاکہ تفریحی مقامات پر جرائم پیشہ عناصر کی موجودگی کا سنجیدگی سے نوٹس لیاجائے اورسفاری پارک مقابلے میں جام شہادت نوش کرنے والے بہادر اورفرض شناش افسران کی حوصلہ افزائی کرتے ہوئے شہداء کے لواحقین کومعقول معاوضہ اور سوگواران میں سے کسی ایک فردکوسندھ پولیس میں ملازمت دی جائے۔

12/8/2016 3:53:45 AM