کراچی کی جامعات کو فی الفور خصوصی گرانٹ فراہم کرنے کے احکامات صادر فرمائے جائیں، چیئرمین و اراکین اے پی ایم ایس او
جامعات کے ملازمین تنخواہوں کی عدم ادائیگی کی بناء پر ذہنی کوفت اور اذیت میں مبتلا ہیں
وزیراعظم پاکستان اور HECکراچی کی جامعات کے طلباء وطالبات کی تعلیمی سرگرمیوں کو متاثر ہونے سے بچائیں
کراچی:۔۔ 15؍ اگست 2013ء
آل پاکستان متحدہ اسٹوڈینٹس آرگنائزیشن کے چیئرمین و اراکین نے جامعہ کراچی اور جامعہ این ای ڈی میں شدید مالی بحران پر تشویش کا اظہار کرتے ہوئے مطالبہ کیا ہے کہ جا معا ت کی خصو صی گرا ئٹ کی عدم دستیابی کے سبب پیدا ہونے والی صورتحال کا نوٹس لیں ۔ ایک بیا ن میں انہوں نے کہا کہ مہنگائی کے بوجھ تلے عوام پہلے ہی مشکلات میں گھرے ہوئے ہیں جبکہ کراچی کی جامعات کے ملازمین کو تنخواہوں کی ادائیگی تک کے لئے رقم نہیں ہے جس کی وجہ سے جامعات کے ملازمین تنخواہوں کی عدم ادائیگی کی بناء پر ذہنی کوفت اور اذیت میں مبتلا ہیں ۔ انہوں نے کہا کہ جامعات میں شدید مالی بحران سے جہاں ملازمین مشکلات کا شکار ہیں وہیں زیر تعلیم طلباء و طالبات کو تعلیمی سرگرمیاں جاری رکھنے میں شدید دشواری کا سامنا ہے ۔ اے پی ایم ایس او کے چیئرمین و اراکین نے وزیراعظم پاکستان میاں نوازشریف اور HECسے مطالبہ کیا ہے کہ کراچی کی جامعات کو درپیش مالی بحران کا فوری نوٹس لیتے ہوئے تنخواہوں کی ادائیگی کیلئے فی الفور خصوصی گرانٹ فراہم کرنے کے احکامات صادر فرمائیں تاکہ جامعات کے ملازمین کو ذہنی کوفت سے سے نکالا جائے بلکہ طلباء و طالبات کی تعلیمی سرگرمیوں کو متاثر ہونے سے بھی بچایا جائے ۔