لائنز ایریا میں ایم کیوا یم کی عوامی طاقت کی جھلک، ٹنکی گراؤنڈ میں بڑی کارنر میٹنگ کا انعقاد

کراچی۔۔۔۔30نومبر2015ء

متحدہ قومی موومنٹ کے زیر اہتمام بلدیاتی انتخابات 2015ء کے سلسلے میں بھر پور عوامی رابطہ مہم کا سلسلہ جاری ہے ۔اس سلسلے میں ایم کیو ایم کے زیر اہتمام پیر کی شب لائنزایریا ٹنکی گراؤنڈ میں بڑی کارنر میٹنگ کا انعقاد کیا گیا تھا جس میں لائنز ایریا کے مختلف حصوں اور اطراف کے علاقوں سے تعلق رکھنے والی خواتین ، بچوں ، بزرگوں ، نوجوانوں سمیت مختلف شعبہ ہائے زندگی سے تعلق رکھنے والے افراد نے ہزاروں کی تعداد میں شرکت کی۔ اس موقع پر ٹنکی گراؤنڈ کو اندر اور باہر سے ایم کیو ایم کے پرچموں اور پتنگوں کے نشان والے اسٹیکرز، پینا فلیکس ، بورڈ ز سے سجایا گیا ، پنڈال ککو لال رنگ کے خوشنما ں کارپیٹ سے مزین کیا گیا تھا۔ پنڈال کے ایک جانب میڈیا نمائندگان کے لئے نشستیں مختص کی گئیں تھیں۔اجتما ع میں شریک لڑکیوں او ر بچو ں نے اپنے چہروں پر پتنگ کا نشان پینٹ کرایاہوا تھا جبکہ نوجوانوں نے اپنے ہاتھوں میں پرچم تھامے ہوئے تھے، پنڈال میں وسیع اسٹیج تیار کیا گیا تھا ۔کارنر میٹنگ میں ایم کیو ایم کے سینئر ڈپٹی کنوینر محمد عامر خان، ڈپٹی کنوینر کہف الوریٰ،اراکین رابطہ کمیٹی شبیر احمد قائم خانی،ارشد حسن، انچارج سینٹرل ایگزیکٹو کونسل وسیم اختر ، اراکین سی ای سی ، حق پرست اراکین اسمبلی نے شرکت کی۔اس موقع پر عوام وقتا فوقتا جناب الطاف حسین اور ایم کیوا یم کے حق میں فلک شگاف نعرے بلند کرتے رہے ۔








تصاویر