کارکنان کی گرفتاریوں کے خلاف ریلی میں لاکھوں عوام نے شرکت کرکے ثابت کردیا ہے کہ ایم کیوایم کے تحفظات جائز ہیں، سیکریٹریٹ میں موصول ہوہنے والے تہنیتی کے پیغامات میں لوگوں کے تاثرات

کراچی ۔۔۔27، نومبر2015ء

پاکستان سمیت دنیا بھر میں مقیم مختلف شعبہ ہاتے زنگی سے تعلق رکھنے والے افراد نے بلدیاتی انتخابی مہم میں مصروف ایم کیوایم کے ذمہ داران و کارکنان کی رینجرز کی جانب سے بلاجواز گرفتاریوں کے خلاف لیاقت آباد نمبر 10سے نکالی جانے والی عظیم الشان ریلی کی زبردست کامیابی پر قائد تحریک جناب الطاف حسین اور مظلوم عوام کو دلی مبارکباد پیش کی ہے اور کہا ہے کہ ریلی میں لاکھوں کی تعداد میں نوجوانوں ، بزرگوں ، خواتین ، بچوں اور طلباء نے شرکت کرکے ثابت کردیا ہے کہ ایم کیوایم کے تحفظات جائز ہیں اور ارباب اختیار و اقتدار کو ان تحفظات پر توجہ دیکر انہیں دور کرنے کی ضرورت ہے۔احتجاجی ریلی کی فقید المثال کامیابی کے بعد ایم کیوایم کے مرکز نائن زیر و عزیز آباد اور انٹرنیشنل سیکریٹریٹ لندن میں ٹیلی فون، فیکس، ای میل، ایس ایم ایس اور دیگر ذرائع سے پیغامات کا تانتا بندھ گیا۔ پیغامات بھیجنے والوں میں علمائے کرام ، تاجر ، صنعتکار ، وکلاء ، صحافی ، دانشور ، شعرا ، ادباء ، ڈاکٹرز ، انجینئرز اور مختلف شعبہ ہائے زندگی سے تعلق رکھنے والے افراد سمیت ایم کیوایم کے ذمہ داران وکارکنان کی بھی بڑی تعداد شامل ہے ۔ اپنے پیغامات میں انہوں نے کہاکہ قائد تحریک جناب الطاف حسین کی اپیل پر چوبیس گھنٹے سے بھی کم نوٹس پراتنی بڑی اور عظیم الشان ریلی کا انعقاداوراس میں لاکھوں عوام کا اپنی مصروفیات ترک کرکے شرکت کرنا قائد تحریک جناب الطاف حسین اور ایم کیوایم کے موقف کی نہ صرف مکمل تائید کرتا ہے بلکہ حکومت اور قانون نافذ کرنے والے اداروں کے دوہرے معیار کو بھی ظاہر کرتا ہے ۔ انہوں نے کہاکہ ایم کیوایم باالخصوص شہر کراچی کی واحد منتخب نمائندہ جماعت ہے اور اس کے انتخابی دفاتر سے انتخابی سرگرمیوں میں مصروف کارکنان کی گرفتاریاں کرنا سراسر غیر قانونی ، غیر آئینی عمل ہے بلکہ بلدیاتی انتخابات کے ضابطہ اخلاق کی بھی سنگین خلاف ورزی ہے اگر ایم کیوایم گرفتاریوں کے خلاف رینجرز ہیڈ کوارٹر کے سامنے جاکر احتجاجی مظاہرہ کرنا چاہتی تھی تو اسے ریاستی اداروں کے خلاف عمل تصور کرنا سراسر تعصب پر مبنی عمل ہے کیونکہ ایم کیوایم کے تحفظات توجہ طلب ہیں جنہیں حل کیے بغیر عوام کو مطمئن نہیں کیا جاسکتا ۔

انہوں نے کہاکہ لاکھوں افراد کی احتجاجی ریلی میں عوام کا رکاوٹیں عبور کرنے کیلئے جوش میں آنا حکومت اور اداروں کیلئے لمحہ فکریہ ہے اگر ایم کیوایم کے رہنما مظاہرین کو پیچھے ہٹنے کی تلقین نہ کرتے توریلی کے شرکاء تمام رکاوٹیں عبور کرجاتے لیکن ایم کیوایم کے رہنماؤں نے جس طرح سے ریلی کے شرکاء کو پرامن رکھا اور انہیں صبر کی تلقین کی وہ قائد تحریک جناب الطاف حسین کی تربیت کا ہی نتیجہ ہے اور اس بات کا ثبوت ہے کہ ایم کیوایم کو احتجاجی مظاہرے کرنے کا شوق نہیں ہے بلکہ ایم کیوایم اپنی جائز شکایات کے ازالے کیلئے اپنا آئینی اور جمہوری حق استعمال کررہی ہے میں عوام ساتھ ہیں ۔ انہوں نے کہاکہ احتجاجی ریلی کے لاکھوں شرکاء نے اپنے گھروں سے باہر نکل کر واضح کردیا ہے کہ وہ ایم کیوایم کے خلاف غیر آئینی اور غیر قانونی اقدامات کو برداشت نہیں کریں گے اور اس کے خلاف ہر سطح پر صدائے احتجاج بلند کریں گے ۔ ان کا مزید کہنا تھا کہ دو برس سے رینجرز شہر میں آپریشن کررہی ہے لیکن رینجرز کو ایم کیوایم کے سوا کوئی جماعت مل ہی نہیں رہی جس میں ٹارگٹ کلر ، بھتہ خور اور دہشت گرد موجود ہوں یہ امر باعث تعجب ہے اور اب بلدیاتی انتخابات کے موقع پر رینجرز کی کاروائیوں نے تمام بھانڈا پھوڑ دیا ہے اور ثابت کردیا ہے کہ ایم کیوایم کو بلدیاتی انتخابات میں شکست سے دوچار کرنے کیلئے بعض حکومتی اور قانون نافذ کرنے والے اداروں کے افسران اور اہلکار اپنے اختیارات کا ناجائز استعمال کرکے عوامی قوت کو طاقت کے زور سے کچلنے پر تلے ہوئے ہیں ۔انہوں نے کہا کہ قائد تحریک جناب الطاف حسین سے عوام کا رشتہ نہ کل ختم کیا جاسکا اور نہ ہی آج اور نہ کی کوئی حربہ استعمال کرکے نہ آئندہ کیا جاسکتا ہے ۔ اپنے پیغامات میں انہوں نے قائد تحریک جناب الطاف حسین کی درازی عمر ،صحت وتندرستی اور عافیت کیلئے خصوصی دعائیں بھی کیں ۔