بلدیاتی انتخابات 2015ء کی آمد آمد، ایم کیوایم کی جانب سے جناح گراؤنڈ عزیزآباد میں بڑے میلے کا اہتمام

کراچی ۔۔۔ 25 نومبر 2015ء

متحدہ قومی موومنٹ کی جانب سے بلدیاتی انتخابات 2015ء کے سلسلے میں جناح گراؤنڈ عزیزآباد میں عوام کیلئے بڑے میلے کا اہتمام کیاگیاہے۔اس سلسلے میں روزانہ کی بنیاد پر سینکڑوں افراد اپنے اہل خانہ ، بچوں کے ہمراہ جناح گراؤنڈ کا رخ کر رہے ہیں ،جناح گراؤنڈ میں بچوں کیلئے بڑے پیمانے پر مختلف اقسام کے چھوٹے اور بڑے جھولے نصب کئے گئے ہیں جبکہ خواتین کیلئے کپڑوں ، مہندی ، چوڑیوں سمیت ضروریات زندگی کی دیگر اشیاء کے مختلف اسٹالز بھی گراؤنڈ میں لگائے گئے ہیں ،میلے میں آنیوالی بچیوں ، نوجوانوں ، بچوں اور دیگر افراد کیلئے آئس کریم سمیت کھانے پینے کی دیگر اشیاء کے اسٹالز بھی لگائے گئے ہیں جبکہ سردی کی مناسبت سے چائے اور کافی کے اسٹالز کا بھی اہتمام کیاگیا ہے ۔اس سلسلے میں روزانہ رات گئے میوزیکل پروگرام کا بھی اہتمام کیا جارہاہے جس میں ملک کے معروف فنکار و اداکار اپنے فن کا مظاہرہ کر رہے ہیں ، شہر بھر کے عوام میں اس سلسلے میں بھر پور جوش و خروش پایا جارہاہے اور سخت سردی کے باوجود عوام جناح گراؤنڈ میں شریک ہو رہے ہیں۔اس موقع پر ایم کیوا یم کے قائد جناب الطاف حسین وقتاً فوقتاً جناح گراؤنڈ میں شریک ہونیوالے عوام سے ٹیلی فونک خطاب بھی کر رہے ہیں ۔ 
تصاویر