ایم کیوایم کے نمائندہ وفد کی پورٹ قاسم کے مقام پر سمندر میں ڈوب کر جاں بحق ہونیوالے افراد کی اجتماعی نماز جنازہ میں شرکت

کراچی ۔۔۔11، اگست2013ء

متحدہ قومی موومنٹ کے حق پرست رکن سندھ اسمبلی شیرازوحیدکے ہمراہ ایم کیوایم کے نمائندہ وفدنے پورٹ قاسم کے مقام پرسمندرمیں ڈوب کرجاں بحق ہونیوالے چار سگے بھائیوں سمیت چھ افراد کی اجتماعی نمازجنازہ میں شرکت کی اورمرحومین کی مغفرت ،ان کے درجات کی بلندی کیلئے فاتحہ خوانی کی۔ مرحومین کی اجتماعی نمازجنازہ بعد نماز ظہر فٹبال گراؤنڈ سیکٹر50Cمیں اداکی گئی۔ وفد کے ارکان نے سوگواران سے ملاقات کرکے افسوس ناک واقعے پرقائدتحریک جناب الطاف حسین کی جانب سے دلی تعزیت وہمدردی کااظہارکیااورانہیں ایم کیوایم کی جانب سے ہرممکن تعاون کایقین بھی دلایا۔اس موقع پرمرحومین کے سوگوار اہل خانہ نے قائدتحریک جناب الطاف حسین اور ایم کیو ایم کاشکریہ اداکیا اورکہاکہ ایم کیوایم نے جس طرح دکھ اورافسوس کی اس مشکل گھڑی میں ہماراساتھ دیاہے وہ ناقابل فراموش ہے۔ایم کیوایم کے وفدمیں کراچی مضافاتی کمیٹی کے انچارج فرخ اعظم،اراکین حاجی منظوراحمدجوکھیو،سیدمعین الدین کے علاوہ ابراہیم حیدری سیکٹرکمیٹی کے ذمہ داران وکارکنان بھی شامل تھے۔