راولپنڈی میں طوفانی بارش اور طغیانی کے سبب شہریوں، تاجروں اور دکانداروں کو درپیش مسائل پر الطاف حسین کا اظہار تشویش

لندن۔۔۔10، اگست2013ء 

متحدہ قومی موومنٹ کے قائد جناب الطاف حسین نے راولپنڈی میں طوفانی بارش اور نالا لئی میں طغیانی کے باعث شہریوں ، تاجروں اور دکانداروں کو درپیش مسائل اور مشکلات پر گہری تشویش کااظہار کیا ہے ۔ ایک بیان میں انہوں نے کہا کہ طوفانی بارش اور نالا لئی میں طغیانی کے کے سبب پانی دکانوں اور گھروں میں داخل ہوچکا ہے اور اس صورتحال میں نکاسی آب اور امدادی کاررائیوں کی اشد ضرورت ہے۔ انہوں نے طغیانی اور طوفانی بارش کے سبب شہریوں کے نقصانات پر ان سے دلی ہمدردی کااظہار بھی کیا ۔ جناب الطا ف حسین نے حکومت پنجاب سے مطالبہ کیا کہ راولپنڈی سے بارش کے پانی کی نکاسی کے کام پر فی الفور توجہ دی جائے اور شہریوں کو درپیش مسائل اور مشکلات کا ازالہ کیاجائے۔