Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیوایم کے کارکنوں کے ماورائے عدالت قتل اوردیگرمظالم کے خلاف ایم کیوایم یوکے کی جانب سے لندن میں ایمنسٹی انٹرنیشنل کے ہیڈآفس کے سامنے احتجاجی مظاہرہ


ایم کیوایم کے کارکنوں کے ماورائے عدالت قتل اوردیگرمظالم کے خلاف ایم کیوایم یوکے کی جانب سے لندن میں ایمنسٹی انٹرنیشنل کے ہیڈآفس کے سامنے احتجاجی مظاہرہ
 Posted on: 10/27/2015
ایم کیوایم کے کارکنوں کے ماورائے عدالت قتل اوردیگرمظالم کے خلاف ایم کیوایم یوکے کی جانب سے لندن میں ایمنسٹی انٹرنیشنل کے ہیڈآفس کے سامنے احتجاجی مظاہرہ 
ایم کیوایم یوکے کے کارکنوں ،یوتھ ونگ کے ارکان ، لندن ، برمنگھم، مانچسٹر، شیفیلڈ، بریڈفورڈاوردیگرشہروں میں آباد پاکستانی اورکشمیری کمیونٹی سے تعلق رکھنے والے نوجوانوں، بزرگوں، خواتین اوربچوں کی بڑی تعدادمیں شرکت
حاظرین کے ایم کیوایم کے خلاف کئے جانے والے آپریشن ، کارکنوں کے ماورائے عدالت قتل، چھاپوں،گرفتاریوں اوردیگر زیادتیوں کے خلاف زوردارنعرے
ایم کیوایم کے وفدکی ایمنسٹی انٹرنیشنل کے ساؤتھ ایشیاڈیس کے انچارج سے ملاقات ،ایم کیوایم کے ساتھ ہونے والی زیادتیوں پرمبنی ایک یادداشت بھی پیش کی
لندن۔۔۔26اکتوبر 2015ء
پاکستان میں ایم کیو ایم کے کارکنوں کے ماورائے عدالت قتل، چھاپوں، گرفتاریوں،ان کوغیرقانونی طورپرلاپتہ کرنے ،انہیں سرکاری حراست میں تشددکا نشانہ بنانے،ایم کیوایم کی سیاسی سرگرمیوں پرغیراعلانیہ پابندی ،میڈیاپرقائد تحریک جناب الطاف حسین کے خطابات ،بیانات اورتصاویرنشراورشائع کرنے پر غیرقانونی پابندی اوردیگرمظالم کے خلاف کل بروز پیرمورخہ 26 اکتوبر لندن میں ایم کیو ایم برطا نیہ کے زیر اہتمام ایمنسٹی انٹرنیشنل کے دفتر کے سامنے احتجاجی مظاہرہ کیا گیا۔احتجاجی مظاہرے میں ایم کیوایم یوکے یونٹ کے کارکنوں اوریوتھ ونگ کے ارکان کے ساتھ ساتھ لندن ، برمنگھم، مانچسٹر، شیفیلڈ، بریڈفورڈاوردیگرشہروں میں آبادپاکستانی اورکشمیری کمیونٹی سے تعلق رکھنے والے نوجوانوں، بزرگوں، خواتین اوربچوں نے بڑی تعدادنے شرکت کی ۔ مظاہرین نے اپنے ہاتھوں میں مختلف پلے کارڈزاٹھارکھے تھے جن پرایم کیوایم کے کارکنوں کے ماورائے عدالت قتل اوردیگرزیادتیوں کے خلاف انگریزی میں مختلف مذمتی کلمات درج تھے ۔ بعض پلے کارڈزپرشہیداورلاپتہ کارکنوں کی تصاویربھی چسپاں تھیں۔ حاظرین نے ایم کیوایم کے خلاف کئے جانے والے آپریشن ، کارکنوں کے ماورائے عدالت قتل، چھاپوں،گرفتاریوں اوردیگرزیادتیوں کے خلاف زوردارنعرے لگاکراپنااحتجاج ریکارڈکیا۔ احتجاجی مظاہرے میں ایم کیوایم کی رابطہ کمیٹی کے ارکان محمدانور، مصطفےٰ عزیزآبادی، ڈاکٹرسلیم دانش، حق پرست رکن سندھ اسمبلی سمیتاافضال ،یوکے کے جوائنٹ آرگنائزر سہیل خانزادہ، جنرل سیکریٹری منظوراحمد،یوکے کی آرگنائزنگ کمیٹی کے ارکان بھی شریک تھے۔اس موقع پر ایم کیوایم کی رابطہ کمیٹی کے رکن محمدانور، آرگنائزرڈاکٹرسلیم دانش اوریوتھ ونگ کی انچارج حبا دانش نے خطاب کرتے ہوئے کراچی میں آپریشن کے دوران ایم کیوایم کے خلاف کی جانے والی زیادتیوں کی شدیدمذمت کی اورایمنسٹی انٹرنیشنل سے اپیل کی کہ وہ کراچی میں ان مظالم اورانسانی حقوق کی خلاف ورزیوں کانوٹس لے اوراس پرآوازاحتجاج بلندکرے۔ اس موقع پر ایم کیوایم کے ایک وفدنے ایمنسٹی انٹرنیشنل کے ساؤتھ ایشیاڈیس کے انچارج سے ملاقات کی اورایم کیوایم کے ساتھ ہونے والی زیادتیوں پرمبنی ایک یادداشت بھی پیش کی ۔

تصاویر

9/30/2016 8:26:40 AM