ندیم نصرت کوایم کیوایم کی رابطہ کمیٹی کاقائم مقام کنوینر مقررکردیاگیا
عامرخان کوسینئرڈپٹی کنوینرمقررکردیاگیا۔ تحریک کے اہم اجلاس میں فیصلہ
اجلاس میں رابطہ کمیٹی پاکستان اورلندن کے ارکان ، سینیٹرز، ارکان قومی وصوبائی اسمبلی اورتمام تنظیمی ونگزاور شعبہ جات کے ارکان نے شرکت کی۔ بانی وقائدجناب الطاف حسین نے فیصلوں کی توثیق کردی
کراچی ۔۔۔ 15 اکتوبر2015ء
متحدہ قومی موومنٹ کاایک اہم اجلاس آج بروزجمعرات کی صبح ایم کیوایم کے مرکزنائن زیروپرہوا۔اجلاس میں رابطہ کمیٹی پاکستان اورلندن کے اراکین، سینیٹرز، ارکان قومی وصوبائی اسمبلی اورتمام تنظیمی ونگزاور شعبہ جات کے ارکان نے شرکت کی۔اجلاس میں تنظیمی صورتحال پرغورکیاگیااورتنظیمی امور کو مزید بہتربنانے کے لئے مختلف فیصلے کئے گئے ۔ ان فیصلوں کے مطابق سینئرڈپٹی کنوینرندیم نصرت کوایم کیوایم کی رابطہ کمیٹی کاقائم مقام کنوینر مقررکردیاگیاجبکہ رابطہ کمیٹی کے رکن عامرخان کوسینئرڈپٹی کنوینرمقررکیاگیاہے۔دریں اثناء بانی وقائدجناب الطاف حسین نے رابطہ کمیٹی کے ان فیصلوں کی توثیق کردی ہے۔