معروف قانوندان جسٹس(ر)جاویداقبال کے انتقال پر ایم کیو ایم رابطہ کمیٹی کا اظہار تعزیت
سینئر رہنما ڈاکٹر فاروق ستار نے بھی تعزیت کا اظہار کیا
مشترکہ بیان میں جسٹس ( ر) جاوید اقبال کے پسماندگان اور وکلاء برادری سے دلی ہمدردی و تعزیت کا اظہاراور دعا
کراچی ۔۔۔3اکتوبر2015ء
متحدہ قومی موومنٹ کی رابطہ کمیٹی نے ڈاکٹر علامہ محمد اقبال کے صاحبزادے و معروف قانوندان جسٹس(ر)جاویداقبال کے انتقال پرگہرے دکھ اور افسوس کااظہار کیا ہے۔ایک مشترکہ تعزیتی بیان میں انہوں نے جسٹس ( ر) جاوید اقبال کے پسماندگان اور وکلاء برادری سے دلی ہمدردی و تعزیت کا اظہار کرتے ہوئے دعا کی کہ اللہ تعالیٰ مرحوم کو اپنی جوار رحمت میں جگہ عطا فرمائے اور سوگواران کو یہ صدمہ برداشت کرنے کی ہمت عطا کرے۔(آمین )
دریں اثناء ایم کیو ایم کے سینئر رہنما ڈاکٹر محمد فاروق ستارنے بھی جسٹس (ر ) جاوید اقبال کے انتقال پر افسوس او ر دکھ کا اظہار کرتے ہوئے مرحوم کے درجات کی بلندی اور سوگواران کے صبر کیلئے دعا کی۔