Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ایم کیو ایم امریکہ کے زیراہتمام 30ستمبرکو اقوام متحدہ کے سامنے احتجاجی مظاہرے کرنے کا اعلان


ایم کیو ایم امریکہ کے زیراہتمام 30ستمبرکو اقوام متحدہ کے سامنے احتجاجی مظاہرے کرنے کا اعلان
 Posted on: 9/28/2015
ایم کیو ایم امریکہ کے زیراہتمام 30ستمبرکو اقوام متحدہ کے سامنے احتجاجی مظاہرے کرنے کا اعلان
مظاہرہ وزیر اعظم نواز شریف کے جنرل اسمبلی سے خطاب کے موقع پر منعقد ہو گا
احتجاجی مظاہرے میں عالمی برادری کو مہاجروں اور ایم کیو ایم پر ڈھائے جانے والے مظالم، ناانصافیوں اور زیادتیوں سے آگاہ کرنا ہے
مظاہرے میں امریکہ بھر سے ایم کیو ایم کے کارکنان اور ہمدردوں کی بڑی تعداد شریک ہو گی
نیویارک :۔۔۔28؍ستمبر2015ء
ایم کیو ایم امریکہ نے وزیر اعظم نواز شریف کے اقوام متحدہ کی جنرل اسمبلی سے خطاب کے موقع پربڑے احتجاجی مظاہرے کا اعلان کیا ہے۔ احتجاجی مظاہرہ نیو یارک میں بدھ30 ستمبر صبح 9 بجے اقوام متحدہ کی عمارت کے سامنے منعقد ہو گا۔ایم کیو ایم امریکہ کی جانب سے جاری اعلامئے کے مطابق مظاہرے کا مقصد عالمی برادری کو پاکستان میں جاری مہاجروں کی نسل کشی ، ایم کیو ایم کے کارکنان کی جبری گمشدگیوں،غیر قانونی چھاپے و گرفتاریوں، ماورائے عدالت قتل، کراچی پر مذہبی انتہا پسندوں کے قبضے کی سازش، نئے صوبوں کی ضرورت اورقائد تحریک جناب الطاف حسین کے خطابات و انٹرویوپر غیر آئینی پابندیوں سے آگاہ کرنا ہے۔مظاہرے میں ایم کیو ایم امریکہ کی سینٹرل آرگنائزنگ کمیٹی کے اراکین سمیت امریکہ کے 20 شہروں سے چیپٹر انچارجز، چیپٹر کمیٹی کے اراکین، ایم کیو ایم کے کارکنان اور ہمدردوں کی بڑی تعداد شریک ہو گی۔مظاہرے کی تیاریوں کا جائزہ لینے کے لئے ایم کیو ایم امریکہ کی سینٹرل آرگنائزنگ کمیٹی کا اجلاس منعقد ہواجس میں سینٹرل آرگنائزر جنید فہمی، جوائنٹ آرگنائزرز محمد ارشد حسین، ثاقب محی الدین اور عامر قاضی سمیت سینٹرل کمیٹی کے اراکین نے شرکت کی۔اجلاس میں مظاہرے کی تیاریوں کا تفصیلی جائزہ لیا گیااور اس پر اپنے اطمینان کا اظہار کیا گیا۔دریں اثناسینٹرل کمیٹی نے امریکہ میں مقیم پاکستانی کمیونٹی سے اپیل کی کہ وہ ایم کیو ایم کے احتجاجی مظاہرے میں شریک ہو کر عالمی برادری کو یہ پیغام دیں کہ وہ پاکستان میں مہاجروں کے خلاف نفرت، تعصب اور ریاستی تشدد بند کرنے کے لئے پاکستانی حکومت اور ارباب اختیار پر اپنا اثر و رسوخ استعمال کرے۔
English

9/26/2016 10:36:41 PM