متحد ہ قومی موومنٹ کے قائد الطاف حسین کی جانب سے اراکین رابطہ کمیٹی نے کراچی میں ان کی رہائشگا ہ نائن زیرو پر قربانی کرکے سنت ابراہیمی کا فریضہ اداکیا

کراچی:۔۔۔25؍ستمبر2015

متحدہ قومی موومنٹ کے قائد الطاف حسین کی جانب سے کراچی میں ان کی رہائشگا ہ نائن زیرو پر قربانی کرکے سنت ابراہیمی کا فریضہ اداکیا گیا ۔ایم کیوایم رابطہ کمیٹی کے رکن عارف خان ایڈووکیٹ نے جناب الطاف حسین کی جانب سے جانور ذبح کئے اور سنت ابراہیمی کے فریضے کی تکمیل کی۔اس موقع پرڈپٹی کنوینرزسید شاہدپاشا، کیف الوریٰ اور اراکین رابطہ کمیٹی سیدامین الحق،عبدالحسیب،گلفرازخان خان خٹک،کمال احمد ملک ،رضوان بابر،مطیع الرحمن،عبدالقادرخانزادہ،ارشدحسن،سینئر رہنماء ڈاکٹرفاروق ستار،طارق جاوید، خدمت خلق فاؤنڈیشن کے چیف ٹرسٹی ڈاکٹرنصرت اورسینٹرل ایگزیکٹوکونسل کے انچارج وسیم اخترودیگر اراکین بھی موجودتھے۔ اس موقع پر ایم کیو ایم رابطہ کمیٹی کے ارکان ، حق پرست ارکان اسمبلی ، شعبہ جات کے ذمہ داران اور بچوں ، نوجوانوں ، بزرگوں ، خواتین سمیت اہل علاقہ کی بڑی تعداد نائن زیرو کے اطراف جمع تھی تو قربانی کے دورا ن ا ور روایتی جوش و خروش کا مظاہرہ کرتے رہے ۔