ایم کیوایم کی رابطہ کمیٹی کے ڈپٹی کنوینرز نے اراکین رابطہ کمیٹی ،سینٹرل ایگزیکٹوکونسل کے اراکین اور شعبہ جات کے ذمہ داران اور اہل علاقہ کی بڑی تعداد کے ہمراہ جناح گراؤنڈ میں عیدالاضحی کی نمازادا کی

کراچی :۔۔۔25؍ستمبر2015

متحد ہ قومی موومنٹ کی رابطہ کمیٹی کے ڈپٹی کنوینرز سیدشاہدپاشا،کیف الوریٰ ، اراکین رابطہ کمیٹی اورسینٹرل ایگزیکٹوکونسل کے اراکین نے حق پرست مستعفی ارکان سینیٹ، قومی و صوبائی اسمبلی، ایم کیوایم کے ونگزاور شعبہ جات کے ذمہ داران اور اہل علاقہ کی بڑی تعداد کے ہمراہ ایم کیوایم کے مرکز نائن زیرو سے متصل جناح گراؤنڈ میں عیدالاضحی کی نمازادا کی۔عیدالاضیحی کی نمازمقررہ وقت پر ہوئی جس کے بعدجناب الطاف حسین کی صحت ، تندرستی، درازئ عمر ، تحریک کی کامیابی ، حق پرست شہداء کے درجات کی بلندی سمیت پاکستان کی بقاء و سلامتی ، ملکی استحکام کے لئے خصوصی دعائیں بھی کی گئیں ۔نماز کی ادائیگی کے بعد ایم کیو ایم رابطہ کمیٹی کے ارکان و دیگر ذمہ داران اور معززین علاقہ نے ایک دوسرے کو عید کی مبارک باد پیش کی۔