Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

پاکستان سمیت دنیا بھرکے مسلمانوں کو قائد تحریک الطاف حسین کی جانب سے عید الاضحی کی مبارکباد


پاکستان سمیت دنیا بھرکے مسلمانوں کو قائد تحریک الطاف حسین کی جانب سے عید الاضحی کی مبارکباد
 Posted on: 9/24/2015
پاکستان سمیت دنیا بھرکے مسلمانوں کو قائد تحریک الطاف حسین کی جانب سے عید الاضحی کی مبارکباد 
عید الاضحی عظیم اور بڑے مقصد کیلئے ہرقسم کی قربانی کا درس دیتی ہے، الطاف حسین 
عیدالاضحٰی حضرت ابراہیم ؑ کی سنت ہے، الطاف حسین
حضرت ابراہیم ؑ نے اللہ تعالیٰ کے حکم پر اپنے سب سے چہیتے بیٹے حضرت اسماعیل کوقربانی کیلئے پیش کردیا ، الطاف حسین 
متحدہ قومی موومنٹ کے کارکنان 37 برسوں سے اللہ کی خوشنودی کیلئے عید کی خوشیاں قربان کررہے ہیں، الطا ف حسین 
لندن۔۔۔24، ستمبر2015ء 
متحدہ قومی موومنٹ کے قائد جناب الطا ف حسین نے پاکستان سمیت دنیا بھرکے مسلمانوں کو عید الاضحی کی دلی مبارکباد پیش کی ہے اور کہا ہے کہ عید الاضحی عظیم اور بڑے مقصد کیلئے اپنی خواہشات اورانا سمیت ہرقسم کی قربانی کا درس دیتی ہے ۔ عید الاضحی کے موقع پر اپنے پیغام میں جناب الطاف حسین نے کہاکہ عیدالاضحٰی حضرت ابراہیم ؑ کی سنت ہے، حضرت ابراہیم ؑ نے اللہ تعالیٰ کے حکم پرنہ صرف اپنے سب سے چہیتے بیٹے حضرت اسماعیل کوقربانی کیلئے پیش کیا بلکہ اللہ تعالیٰ کی خوشنودی کیلئے آپ ؑ کے صاحبزادے حضرت اسماعیل ؑ نے بھی فرمانبرداری کا مظاہرہ کیااوراللہ کی راہ میں خود کو قربانی کیلئے پیش کردیا۔انہوں نے کہاکہ عیدالاضحی مسلمانوں کا مذہبی تہوار ہے اورعیدالاضحی کا تقاضا ہے کہ اللہ تعالیٰ کی راہ میں اپنی عزیزشے کو قربان کردیا جائے ۔جناب الطاف حسین نے حق پرست عوام بالخصوص مخیر اور صاحب حیثیت افراد سے اپیل کی کہ وہ عید الاضحی کے موقع پر غرباء ، مساکین ، یتیموں اور مستحق افراد کو یاد رکھیں اورانہیں عید کی خوشیوں میں ضرور شامل رکھیں۔جناب الطا ف حسین نے ایم کیوایم کے تمام ذمہ داران و کارکنان کوبھی ہدایت کی کہ وہ عید الاضحی کی خوشیوں میں حق پرست شہداء کے لواحقین ، لاپتہ کارکنان و اسیروں کے اہل خانہ اور مصائب ومشکلات کا شکار عوام کو ہرگز فراموش نہ کریں اور ان کی حتی المقدور خبرگیری کریں۔ جناب الطا ف حسین نے دعا کی کہ اللہ تعالیٰ دنیا بھر کے مسلمانوں پر عید الاضحی کی رحمتوں اور برکتوں کا نزول فرمائے ، پاکستان ترقی و خوشحالی عطافرمائے ، ملک سے انتہاء پسندی اورمذہبی دہشت گردی کا خاتمہ کرے، پاکستان سمیت دنیا بھر میں امن وسکون قائم کرے،ملک بھرکے عوام میں اتحاد واتفاق پیدا کرے، ایم کیوایم کے تمام شہداء کے درجات بلند فرمائے ، لاپتہ اوراسیرکارکنان کے اہل خانہ کی مشکلات کا خاتمہ کرے، ایم کیوایم حق پرستانہ جدوجہد کو کامیابی وکامرانی نصیب فرمائے اور ایم کیوایم کے خلاف سازشوں کو ناکام بنائے۔

9/25/2016 7:15:34 AM