جمعرات کو رینجرزکے ہاتھوں جعلی مقابلے میں ماورائے عدالت قتل کئے گئے چاروں نوجوانوں کاتعلق ایم کیوایم سے ہے
چارنوجوانوں میں سے تین کی شناخت ان کے اہل خانہ نے کرلی ۔ان کے نام محمد عدیل، زوہیب اللہ اورکاشف خلیل ہیں، چاروں کاتعلق کورنگی سے ہے
ماورائے عدالت قتل کئے گئے چاروں کارکنوں کومختلف اوقات میں گرفتارکیاگیاتھا،جوگرفتاری کے بعد سے لاپتہ تھے
ان چاروں کی گرفتاری کے خلاف سندھ ہائیکورٹ میں درخواستیں دائرتھیں
رینجرزکی جانب سے یہ دعویٰ کیاگیاکہ سہراب گوٹھ کے علاقے میں چارافرادکومقابلے میں ماراگیاہے
کراچی ۔۔۔ 11 ستمبر 2015ء
متحدہ قومی موومنٹ کے اعلامیہ کے مطابق جمعرات کو رینجرزکے ہاتھوں جعلی مقابلے میں ماورائے عدالت قتل کئے گئے چاروں نوجوانوں کاتعلق ایم کیوایم سے ہے۔تفصیلات کے مطابق ماورائے عدالت قتل کئے گئے چارنوجوانوں میں سے اب تک تین کی شناخت ان کے اہل خانہ نے کرلی ہے۔ان کے نام محمد عدیل، زوہیب اللہ اورکاشف خلیل ہیں۔ان چاروں کاتعلق کورنگی سے ہے ۔ ان چاروں کومختلف اوقات میں گرفتارکیاگیاتھاجوگرفتاری کے بعد سے لاپتہ تھے اوران چاروں کی گرفتاری کے خلاف سندھ ہائیکورٹ میں درخواستیں دائرتھیں ۔گزشتہ روزبروزجمعرات کورینجرز نے ان چاروں نوجوانوں کوماورائے عدالت قتل کردیا۔رینجرزکی جانب سے یہ دعویٰ کیاگیاکہ سہراب گوٹھ کے علاقے میں چارافرادکومقابلے میں ماراگیاہے ۔ ایم کیوایم ان چاروں کارکنوں کی تفصیلات اکھٹی کررہی ہے جوتھوڑی دیرمیں جاری کی جائیں گی۔