دہشت گردوں کی فائرنگ سے نوابشاہ کی مذہبی شخصیت مولانا یعقوب قادری کے قتل پررابطہ کمیٹی کا اظہار مذمت

کراچی۔۔۔2اگست2013ء

متحد ہ قومی موومنٹ کی رابطہ کمیٹی نے دہشت گردوں کی فائرنگ سے نظام مصطفی پارٹی کے مرکزی ڈپٹی جنرل سیکریٹری ،جماعت اہلسنت کے مرکزی سپریم کونسل کے رکن اور نوابشاہ کی معروف مذہبی شخصیت مولانا یعقوب قادری کو شہید کرنے کی شدید الفاظ میں مذمت کی ہے اس واقعہ کو فرقہ وارنہ فسادات کرانے کی گھناؤنی سازش قرار دیا ہے ۔ایک بیان رابطہ کمیٹی نے شہید کے سو گوار لواحقین سے دلی تعزیت و ہمدردی کا اظہار کر تے ہوئے انہیں صبر کی تلقین کی۔ رابطہ کمیٹی نے ڈاکٹر عشرت العباد ، وزیر اعلیٰ سندھ سید قائم شاہ اور وفاقی وزیر داخلہ چوہدری نثار سے مطالبہ کیا ہے کہ یعقوب قادری کے قتل کا نوٹس لیا جائے اور اس میں دہشت گردوں کو گرفتارکرکے قانون کے مطا بق سخت سے سخت سزا دی جائے