سید امین الحق کو شعبہ اطلاعات کی ذمہ داریوں سے سبکدوش کرکے شہداء اسیر کمیٹی کی ذمہ داریاں ان کے سپرد کردی گئیں ہیں، رابطہ کمیٹی
بحث و مباحثہ میں حصہ لینے والے، تاریخ پر عبور اور حالات حاضرہ پر نظر رکھنے والے کارکنان اپنے کوائف فی الفور نائن زیرو پر جمع کرائیں
ٹی وی ٹاک شو ز میں بھجنے کیلئے اچھے بولنے والوں کا چناؤ کیا جائے گا، رابطہ کمیٹی
کراچی ۔۔31اگست 2015ء
متحدہ قومی موومنٹ کی رابطہ کمیٹی نے سید امین الحق کو شعبہ اطلاعات کی ذمہ داریوں سے سبکد وش کر کے شہدا ء اسیر کمیٹی کی ذمہ داریاں ان سپر د کر دی ہیں ۔دریں اثناء رابطہ کمیٹی نے بحث ومباحثہ میں حصہ لینے والے تاریخ پر عبور اورحالات حاضرہ پر نظر رکھنے والے تمام کارکنان سے اپیل کی ہے کہ وہ فی الفور اپنے کوائف کے ساتھ نائن زیرو پر رابطہ کمیٹی سے رابطہ کریں تاکہ رابطہ کمیٹی انٹر ویو لیکر ان میں سے ٹی وی ٹاک شو ز میں کیلئے اچھے بولنے والوں کا چناؤ کرسکے ۔