ایم کیوایم لیگل ایڈکمیٹی کے اراکین کاایم کیوایم کے کارکنان وہمدردوں کی بلاجوازغیرقانونی گرفتاریوں اورجھوٹے مقدمات پراظہارتشویش

کراچی:۔۔۔31؍ اگست2015 ء

متحدہ قومی موومنٹ لیگل ایڈکمیٹی کے اراکین کاہنگامی اجلاس گزشتہ روزمنعقدہواجس میں قانون نافذکرنے والے ادارے کے اہلکاروں اورپولیس کی جانب سے ایم کیوایم کے کارکنان کی بلاجوازغیرقانونی گرفتاریوں اور گرفتارکارکنان پربے بنیادجھوٹے مقدمات بناکرانہیں بہیمانہ تشددکانشانہ بنانے کے واقعات پرگہری تشویش کااظہارکیا اورکہاہے کہ قانون نافذ کرنے والے اداروں کی جانب سے ایم کیوایم کے معصوم بے گناہ کارکنوں اورہمدردوں پرغیرانسانی بہیمانہ تشددکاسلسلہ مسلسل جاری ہے اوران کے ساتھ جنگی قیدیوں سے بھی بدترسلوک روارکھاجارہاہے۔اجلاس کے بعدجاری ہونے والے اعلامیئے میں انہوں نے کہاکہ کارکنان پربے رحمانہ تشددکے واقعات میں اکثرگرفتارشدگان اپنی جان کی بازی ہارجاچکے ہیںیاماورائے عدالت قتل کانشانہ بن چکے ہیں جن کی لاشیں ویران مقامات سے ملتی رہی ہیں۔انہوں نے کہاکہ یہ عمل انتہائی افسوسناک ہے کہ جس کی جتنی بھی مذمت کی جائے کم ہے۔انہوں نے کہاکہ گذشتہ روزبھی ایساہی ایک واقعہ ملیرسیکٹریونٹ106کارکن جوائنٹ انچارج وقارالدین کے ساتھ پیش آیا جنہیں رینجرز اہلکاروں نے ملیر میں ان کی رہائشگاہ سے 9اگست کواعلیٰ الصبح غیرقانونی گرفتارکیاتھا اورنامعلوم مقام پرمنتقل کردیاتھاجس کے بعدان کے وقارالدین کے اہل خانہ نے اس غیرقانونی گرفتاری کے بعد ان کی گمشدگی اورفوری بازیابی کے لئے سندھ ہائی کورٹ میں(ڈبل بینج)پیٹشن دائرکی ہوئی ہے۔انہیں20روزقبل رینجرزنے حراست میں لیا تھا اور29اگست 2015ء کو ATC-1 لنک جج کی عدالت نمبر5میں زیردفعہ4/5ایک پوزیوایکٹ اور(1)23اے سندھ آکہ مبنرایکٹ بحریہ2013ء کے تحت ماڈل کالونی پولیس نے برائے حصول جسمانی ریمانڈپیش کیاتھا۔انہوں نے کہاکہ وقارالدین کے وکیل نے جب عدالت کی توجہ ان پرالیکٹرک شاکس اوردیگربہیمانہ تشددکے نتیجے میں چلنے پھرنے کے قابل نہ رہنے اور زخموں سے خون رسنے کی جانب دیوائی توعدالت نے ان کے میڈیکل معائنہ اوراگلی تاریخ پرعدالت میں رپورٹ جمع کرانے کی ہدایت فرمائی۔اس اعلامیئے یہ بھی کہاگیاہے کہ مہاجروں کے ساتھ امتیازی سلوک بندکیاجائے اورانہیں اس طرح کورٹ میں پیش کیاجائے جس طرح پیپلزپارٹی اوردیگرسیاسی رہنماؤں کوپیش کیاجاتاہے۔آخرمیں لیگل ایڈکمیٹی کے اراکین نے چیف آف آرمی اسٹاف جنرل راحیل شریف،تمام کورکمانڈرزاورڈی جی رینجرز سے درخواست کی کہ وہ مذکورہ بالادصورتحال کانوٹس لیں اورایم کیوایم پرکارکنان پربہیمانہ تشددبندکرائیں ۔