ایم کیوایم برطانیہ کی آرگنائزنگ کمیٹی کے رکن نعیم آرائیں لندن میں حرکت قلب بند ہوجانے کے باعث انتقال کرگئے
رابطہ کمیٹی اور ایم کیوایم برطانیہ کی آرگنائزنگ کمیٹی کا نعیم آرائیں کے انتقال پر اظہار تعزیت
لندن۔۔28اگست 2015ء
متحدہ قومی موومنٹ برطانیہ کی آرگنائزنگ کمیٹی کے رکن نعیم آرائیں ولد عبدالحمید آرائیں جمع کی صبح حرکت قلب بند ہوجانے کی وجہ سے انتقال کرگئے مرحوم کی عمر 47برس کی تھی اور شادی شدہ تھے جبکہ مرحوم کے پسماندگان میں بیوہ، دو صاحبزادیاں اور دو صاحبزادے شامل ہیں۔ مرحوم کی دل کے عارضے میں مبتلا تھے آج صبح اچانک ان کی طبعیت زیادہ خراب ہوگئی جہاں ڈاکٹر وں نے ان کی جان بچانے کیلئے پوری کوشش کی مگر وہ جانبر نہ ہوسکے اور وہ خالق حقیقی سے جاملے۔دریں اثنا ء متحدہ قومی موومنٹ کی رابطہ کمیٹی اورایم کیوایم برطانیہ کی آرگنائزنگ کمیٹی کے اراکین نے نعیم آرائیں کے انتقال پر گہرے دکھ اور افسوس کا اظہار کرتے مرحوم کی مغفرت اور سوگواران کیلئے صبر جمیل کی دعا کی ہے ۔