نثار کھوڑو براہ کرم قوم کو ان قوتوں کا نام بھی بتادیں جو سندھ میں پیپلز پارٹی کو حکومت کرنے دینا نہیں چاہتیں؟

لندن۔۔۔28اگست2015ء 

متحدہ قومی موومنٹ کے سینئر ارکان محمد اشفاق ،ڈاکٹر سلیم دانش اور سید مصطفی عزیز آبادی نے سندھ کے سینئر وزیر نثار کھوڑو کے اس بیان پرکہ ’’کچھ قوتیں پیپلز پارٹی کو سندھ میں حکومت کرنے دینا نہیں چاہتیں ‘‘ تبصرہ کرتے ہوئے جناب نثار کھوڑو سے سوال کیا ہے کہ براہ کرم وہ قوم کو ان قوتوں کا نام بھی بتادیں جو سندھ میں پاکستان پیپلز پارٹی کو حکومت کرنے دینا نہیں چاہتیں؟ محمد اشفاق ،ڈاکٹر سلیم دانش اور سید مصطفی عزیز آبادی نے کہاکہ جناب نثار کھوڑ و سینئر لیڈر ہیں اور ہماری خواہش ہے کہ وہ آدھی پونی بات کرنے کے بجائے شیروں کی طرح چنگھاڑ کر صحیح بات کریں گے اور امید ہے کہ آئندہ نثار کھوڑوکھل کر ان خفیہ ہاتھوں او رقوتوں کا نام ضرور بتائیں گے جو پیپلز پارٹی کی حکومت میں رکاوٹیں کھڑی کر رہی ہیں ۔