لندن میں پاکستان سمیت دنیا بھر سے الطاف حسین کے نام ہزاروں عید کارڈز موصول ہوئے

لندن۔۔۔30، جولائی2013ء

پاکستان سمیت دنیا بھر سے ایم کیوایم کے قائد جناب الطاف حسین کو ہزاروں کی تعداد میں عیدکارڈز موصول ہوئے ہیں۔ تفصیلات کے مطابق ایم کیوایم انٹرنیشنل سیکریٹریٹ لندن میں قائد تحریک جناب الطاف حسین کے نام ہزاروں کی تعداد میں عید کارڈز موصول ہوئے ہیں۔ یہ عید کارڈز پاکستان سمیت دنیا بھرمیں مقیم ایم کیوایم کے ذمہ داروں ، کارکنوں اورہمدردوں کی جانب سے بذریعہ پوسٹ ارسال کئے گئے ہیں ۔ عید کارڈز کی بڑی تعداد میں آمد کے باعث ایم کیوایم انٹرنیشنل سیکریٹریٹ میں عیدکارڈز کی بہار دکھائی دے رہی ہے اور ایم کیوایم لندن یونٹ کے کارکنان ان عید کارڈز کو ملک اور شہر کے لحاظ سے ترتیب دینے میں مصروف ہے۔ دنیا بھر میں مقیم ایم کیوایم کے کارکنان وہمدردوں نے ان عیدکارڈزکے ذریعہ جناب الطاف حسین سے والہانہ عقیدت ومحبت کا اظہار کیا ہے، انہیں عید الفطر کی مبارکباد پیش کرنے کے علاوہ جناب الطاف حسین کی صحت وتندرستی اور درازی عمر کیلئے نیک خواہشات کا بھی اظہارکیا ہے ۔