ایم کیوایم امریکہ کے تین روزہ کنونشن سے الطاف حسین کا خطاب انتہائی دھماکہ خیز ثابت ہوگا، رابطہ کمیٹی

لندن۔۔۔31، جولائی2015ء

متحدہ قومی موومنٹ کی رابطہ کمیٹی نے کہاہے کہ ایم کیوایم امریکہ کے تین روزہ کنونشن سے قائد تحریک جناب الطاف حسین کا خطاب انتہائی دھماکہ خیز ثابت ہوگا۔ ایک بیان میں رابطہ کمیٹی نے کہاکہ کل بروز ہفتہ ڈیلاس میں ایم کیوایم امریکہ کے سالانہ کنونشن سے قائد تحریک جناب الطاف حسین اہم خطاب کریں گے جس میں وہ پاکستان کی موجودہ صورتحال ، ملک میں بڑھتی ہوئی مذہبی انتہاء پسندی کے اسباب اورپاکستان کے کرپٹ فوجی جرنیلوں کی کرپشن کے حوالہ سے سنسنی خیز تاریخی حقائق بیان کریں گے ۔ جناب الطا ف حسین کا یہ خطاب یکم اگست 2015ء بروز ہفتہ امریکہ کے شہر ڈیلا س کے مقامی وقت کے مطابق شام 4 بجے ، پاکستانی وقت کے مطابق صبح 2 بجے اور لندن وقت کے مطابق رات 10 بجے شروع ہوگا۔ رابطہ کمیٹی نے کہاکہ تاریخی حقائق پر مبنی جناب الطاف حسین کا یہ سنسنی خیزخطاب انتہائی دھماکہ خیز ثابت ہوگا۔ 

واضح رہے کہ ایم کیوایم امریکہ کے تحت ’’نئے صوبوں کا قیام ۔۔۔پاکستان کا استحکام ‘‘ کے عنوان سے تین روزہ کنونشن امریکہ کے شہر ڈیلاس میں منعقد کیاجارہا ہے جس میں امریکہ کی تمام ریاستوں کے علاوہ دنیا کے مختلف ممالک سے تعلق رکھنے والے ایم کیوایم کے ذمہ داران ، کارکنان اور ہمدرد شرکت کریں گے۔جناب الطاف حسین کا خطاب ایم کیوایم کی ویب سائٹ http://live.mqm.org پر دیکھا جاسکتا ہے ۔