ر ینجرزنے رکن قومی اسمبلی علی رضا عابدی کے ریسٹورنٹ کاسامان اٹھالے جاکر ڈکیتی کی کارروائی کی ہے۔ الطاف حسین

لندن ۔۔۔ 26 جولائی 2015ء

متحدہ قومی موومنٹ کے قائدجناب الطاف حسین نے اپنے ایک بیان میں کہاہے کہ ر ینجرزنے حق پرست رکن قومی اسمبلی علی رضا عابدی کے ریسٹورنٹ پر چھاپہ نہیں مارا بلکہ ان کے ریسٹورنٹ کاسامان اٹھالے جاکر ڈکیتی کی کارروائی کی ہے۔ اپنے ایک بیان میں جناب الطاف حسین نے کہاکہ رینجرزکے اہلکار دوروزقبل کلفٹن میں حق پرست رکن قومی اسمبلی علی رضاعابدی کے ریسٹورینٹ پردھاوابول کروہاں سے کمپیوٹر، لیپ ٹاپ، سی سی ٹی وی ریکارڈز ، نقدی اور دیگر قیمتی اشیاء اٹھالے جانے کے ساتھ ساتھ ریسٹورنٹ میں بیٹھے ہوئے لوگوں کوبھی اٹھاکرکے گئے۔ رینجرزکے اس عمل نے ثابت کردیاکہ رینجرز ہی پہلے اغوا برائے تاوان کی وارداتوں اوربھتہ خوری میں ملوث تھی اوراب کراچی کے ہرمحلے اورہرجگہ پرچھاپوں کی آڑمیں لوٹ مار کرکے ثابت کررہی ہے کہ وہ انسانوں کی جان ومال کا تحفظ نہیں کررہی بلکہ وہ شہریوں کولوٹ کرڈاکوؤں کاروپ دھارکرشہریوں کاجیناحرام کررہی ہے۔جناب الطاف حسین نے کہاکہ چیف آف آرمی اسٹاف جنرل راحیل شریف کواس سنگین واقعہ کانوٹس لیناچاہیے ورنہ روزمحشرانہیں اللہ تعالیٰ کے حضور اس لوٹ مارکاحساب دیناہوگا۔ 
English