ایم کیوایم رابطہ کمیٹی کے رکن و حق پرست رکن قومی اسمبلی کنور نوید جمیل کا بارش کے دوران لیاقت آباد اور فیڈرل بی ایریا کا دورہ

کراچی۔۔۔23جولائی2015ء

متحدہ قومی موومنٹ کی رابطہ کمیٹی کے رکن و حق پرست رکن قومی اسمبلی کنور نوید جمیل نے کراچی میں مون سون کی پہلی بارش کے دوران اپنے حلقے انتخاب میں واقع لیاقت آباد اور فیڈرل بی ایریا کا دورہ کرکے اہل علاقہ سے ملاقات کی۔اس موقع پر کنور نوید جمیل نے اہل علاقہ سے گفتگو کرتے ہوئے ان سے بارش کے دوران پیدا ہونیوالے نکاسی آب ، کچرے کے ڈھیر ، گھروں میں گندا پانی جمع ہوجانے اور سڑکوں کی ٹوٹ پھوٹ سمیت دیگر مسائل کے متعلق معلومات حاصل کی اور فور ی طور پر کے ایم سی و دیگر متعلقہ اداروں کے ذمہ داران کو عوامی مسائل حل کرنے کی ہدایت کی ۔ اس موقع پر عوام نے کنورنوید جمیل کو اپنے درمیان پا کر عوام نے خوشی کا اظہار کیا اور انکی آمد کو خوش آئند قرار دیا۔

English