متحدہ قومی موومنٹ کے اراکین قومی و صوبائی اسمبلی کا کراچی میں یوم علیؓ کے مرکزی جلوس کا دورہ

کراچی ۔۔۔9 جولائی 2015ء

متحدہ قومی موومنٹ کے قائد جناب الطاف حسین کی جانب سے حق پرست اراکین قومی و صوبائی اسمبلی کے وفد نے ایم کیو ایم علماء کمیٹی کے ہمراہ کراچی میں یوم علیؓ کے مرکزی جلوس میں شرکت کی اور جناب الطاف حسین کی جانب سے اتحاد بین المسلمین کا پیغام پہنچایا۔وفد میں حق پرست اراکین اسمبلی سید علی رضا عابدی ، ڈاکٹر صغیر احمد، جمال احمد شامل تھے۔ اس موقع پر وفد کے اراکین نے جلوس کی حفاظتی ذمہ داری پر مامور اسکاؤٹس کے دستوں اور مختلف علماء کرا م سے ملاقات کرکے ان سے جلوس کے انتظامی امور کے حوالے سے معلومات حاصل کیں اور انہیں ہر ممکن تعاون کا یقین دلایا۔ اس موقع پر علماء کرام نے وفدکے اراکین کا شکریہ اداکرتے ہوئے جناب الطاف حسین کو زبردست خراج تحسین پیش کیا۔انہوں نے جناب الطاف حسین کی صحت ، تندرستی و درازئ عمر کیلئے خصوصی دعا ئیں اور نیک تمناؤں کا اظہار کیا ۔