ایف آئی اے کوسندھ میں اضافی اختیارات دینے کے معاملے پر وزیراعلیٰ سندھ سیدقائم علی شاہ کا بیان جراتمندانہ اورسوفیصددرست ہے ۔الطاف حسین

لندن ۔۔۔ 6 جولائی 2015ء

متحدہ قومی موومنٹ کے قائدجناب الطا ف حسین نے وزیراعلیٰ سندھ سیدقائم علی شاہ کے اس بیان کوجراتمندانہ اورسوفیصددرست قراردیاہے جس میں وزیراعلیٰ سندھ نے ایف آئی اے کوسندھ میں اضافی اختیارات دینے کوسندھ پرحملہ اورزیادتی قراردیاہے۔ اپنے ایک بیان میں جناب الطاف حسین نے کہا کہ ایم کیوایم وزیراعلیٰ سندھ کے اس جرات مندانہ مؤقف کی بھرپورتائید کرتی ہے۔انہوں نے کہاکہ وزیراعلیٰ سندھ کایہ کہنابھی درست ہے کہ صوبوں کے خلاف اس قسم کی ناانصافیوں اورمداخلت کوروکنے کیلئے مناسب قانون سازی ہونی چاہیے۔ جناب الطاف حسین نے وزیراعلیٰ سندھ کویقین دلایاکہ اگروہ ایف آئی اے کو سندھ میں اختیارات دینے کے کالے قانون کے خلاف عدالت میں گئے توایم کیوایم ان کے ساتھ ہرقسم کاسیاسی، قانونی اوراخلاقی تعاون کرے گی۔جناب الطاف حسین نے کہاکہ سندھ کے ساتھ گزشتہ 68سالوں سے ایک کالونی جیساسلوک کیاجارہاہے ،سندھ کے لوگوں کواب بیدار ہوجانا چاہیے اورسندھ کواس کی مقبوضہ کیفیت سے آزاد کرانے اورایک بااختیارصوبہ کی حیثیت دلانے کیلئے متحدہوکرجدوجہدکرنی چاہیے۔آخرمیں جناب الطاف حسین نے سندھ کے تمام پارلیمنٹیرینز سے کہاکہ وہ اپنے سیاسی ونظریاتی اختلافات کوایک طرف رکھ کر سندھ کے جائزآئینی وقانونی حقوق کے لئے مشترکہ طورپرجدوجہد کریں ۔
English
وڈیو