صرف اورصرف مہاجردشمنی میں ایم کیوایم کوختم کرنے کی کوششیں کی جارہی ہیں۔ ڈاکٹر سلیم دانش

لندن۔۔ 5جولائی 2015ء

متحدہ قومی موومنٹ کی رابطہ کمیٹی کے رکن اور ایم کیو ایم برطانیہ کے آرگنائزر ڈاکٹر سلیم دانش نے کہا ہے کہ ایم کیوایم کروڑوں عوام کی نمائندہ جماعت ہے لیکن صرف اورصرف مہاجردشمنی میں ایم کیوایم کوکرش کرنے کی کوششیں کی جارہی ہیں۔ انہوں نے یہ بات ایسٹ لندن میں ایم کیوایم یوکے کے مقامی یونٹ کی جانب سے منعقدہ افطارپارٹی سے خطاب کرتے ہوئے کہی۔انہوں نے کہا کہ گزشتہ 67سالوں میں ہر دور حکومت میں مہاجروں کا معاشی ، تعلیمی ، سیاسی او ر جسمانی قتل عام کیا گیا۔ریاست پاکستان کا کوئی ادارہ ، کسی حکومت نے مہاجروں میں پا ئے جانے والے شدید احساس محرومی کو دور کرنے کیلئے تیار نہیں ہے ۔حقوق کیلئے آوازاٹھانے پر ہردورمیں ایم کیوایم کوریاستی طاقت کے ذریعے کچلنے کی کوشش کی گئی ، ایم کیوایم کے ہزاروں کارکنوں کوماورائے عدالت قتل کردیاگیا۔آج بھی ٹارگٹڈآپریشن کے نام پر ایم کیوایم کونشانہ بنایاجارہاہے اورایم کیوایم کے ذمہ داروں اورکارکنوں کوگرفتارکیاجارہاہے ۔ انہوں نے کہاکہ ایم کیوایم کی جڑیں عوام میں ہیں اور ریاستی مظالم کے ذریعے اسے ختم نہیں کیاجاسکتا۔ دعوت افطار سے ایم کیو ایم برطانیہ کے جنرل سیکریٹری منظور احمد ،ا راکین آرگنائزنگ کمیٹی سہیل زیدی، ہاشم اعظم، یوتھ ونگ کے دانیال دانش اور ایسٹ لندن کے یونٹ انچارج آصف سعید نے بھی خطاب کیا۔