عوام وکارکنان قائد تحریک الطاف حسین کے خلاف اسٹیبلشمنٹ کی سازشوں کو کامیاب نہیں ہونے دینگے ، سہیل خانزادہ

لندن۔۔3، جون 2015ء 

متحدہ قومی موومنٹ برطانیہ کے جوانٹ آرگنائزر سہیل خانزادہ نے کہا ہے کہ ایم کیوایم برطانیہ کے کارکنان قائد تحریک جناب الطاف حسین کے خلاف اسٹیبلشمنٹ کی جانب سے کی جانے والی سازشوں کوکامیاب نہیں ہونے دینگے ۔ یہ بات انہوں نے ایم کیوایم برطانیہ مانچسٹر یونٹ کے زیر اہتمام ایک دعوت افطار کے شرکاء سے خطاب کر تے ہوئے کہی ۔اس موقع پر ایم کیوایم مانچسٹر یونٹ کمیٹی کے ارکان بھی موجود تھے ۔ انہوں نے کہا کہ عوام وکارکنان کو ایم کیوایم کے خلاف میڈیا ٹرائیل اور منفی پروپیگنڈے کے ذریعے گمراہ کرنے کی کوشش کی جارہی ہے ج،لازوال قربانیاں دے کر پاکستان بنانے والے مہاجروں کو پاکستان بنانے کی سزا دی جارہی ہے اور بانیان پاکستان کی اولادوں کو دیوار سے لگایا جارہا ہے۔انہوں نے کہا کہ ایم کیوایم ملک سے جاگیر دارنہ ،وڈیر انہ اور فرسودہ نظام اورموروثی سیاست کا خاتمہ چاہتی ہے اور ملک کے غریب و متوسط طبقہ کے غصب شدہ حقوق کے حصول کیلئے قائد تحریک جناب الطاف حسین کی حق پرستانہ جدوجہد کو جاری رکھے گی خواہ اس کیلئے کتنے ہی کٹھن ،مشکل و مصائب حالات کا سامنا کیوں نہ کرنا پڑے ۔ایم کیوایم مانچسٹر یونٹ کے انچارج عبدالحفیظ نے کہا کہ میڈیا ٹرائیل اور تمام پروپیگنڈوں کے باوجود آج کی افطار وڈنر کی کی تقریب عوام کی بھر پور شرکت اس بات کی غماز ہے کہ وہ الطاف حسین ساتھ ہیں اور ایم کیوایم کے خلاف ہونے والی کسی بھی سازش کاحصہ نہیں بنیں گے۔ تقریب سے ایم کیوایم برطانیہ کی آرگنائنر نگ کمیٹی کے اراکین شفیق احمد ،محمد شمائیل،ڈاکٹر خرم رضوی اور عبدالحفیظ نے بھی خطاب کیا ۔