گلبہار کالونی میں ایم کیوایم کے سیکٹر آفس پر چھاپے میں گرفتار کئے جانے والوں کی تعداد 16 ہے

کراچی ۔۔۔ یکم جولائی 2015ء

بدھ کی شب کراچی کے علاقے گلبہارکالونی میں ایم کیوایم ناظم آبادگلبہارسیکٹر کے آفس پر رینجرزکے چھاپے میں گرفتارکئے جانے والوں کی تعداد16ہے جن میں سیکٹرانچارج زبیر اشرف،جوائنٹ سیکٹرانچارجز شاکررضااورحامد ، دویونٹ انچارجزاورکارکنان شامل ہیں ۔تفصیلات کے مطابق گلبہار کالونی کے علاقے پیتل گلی میں واقع سیکٹرآفس پر افطار کرنے کے بعدعوامی مسائل کے حل اورفلاحی ادارے خدمت خلق فاؤنڈیشن کیلئے زکوٰۃ فطرے کے عطیات جمع کرنے کے سلسلے میں ایم کیوایم کے ذمہ داران وکارکنان موجود تھے ۔ جبکہ وہاں حق پرست رکن قومی اسمبلی سفیان یوسف بھی موجود تھے ۔ رینجرزنے پرامن طورپربیٹھے ہوئے ایم کیوایم کے ذمہ داران وکارکنان کے ساتھ ساتھ حق پرست رکن قومی اسمبلی سفیان یوسف کے ساتھ بھی بدتمیزی کی ۔ رینجرزکے اہلکار دفتر میں موجود دستاویزات اورزکوٰۃ فطرے کی رسیدیں اوردیگردفتری اشیاء بھی اپنے ساتھ لے گئے ۔ رینجرزکے ہاتھوں گرفتارکئے جانے والوں میں سیکٹر انچارج زبیر اشرف،جوائنٹ سیکٹرانچارجز شاکررضااورحامد کے علاوہ سیکٹرممبر نثار، سیکٹر ممبر حامد، سیکٹرممبر شہزاد ، سیکٹرممبر وسیم ، سیکٹرممبر دانش، سیکٹرممبرقیوم،یونٹ 168کے یونٹ انچارج عباس، یونٹ 181کے یونٹ انچارج امتیاز، یونٹ 188 کے جوائنٹ یونٹ انچارج شاکرانصاری،یونٹ 181کی یونٹ کمیٹی کے رکن عدنان اشرف، یونٹ 181کے کارکنان عظمت،ظفر علی اوریونٹ 188کے کارکن فرخ جاویدبھی شامل ہیں۔ ان گرفتارشدگان کونامعلوم مقام پرمنتقل کردیاگیاہے اوراطلاعات کے مطابق ایم کیوایم کے ان گرفتارشدگان کوسرکاری حراست میں وحشیانہ تشددکانشانہ بنایاجارہاہے ۔